పూరి జగన్నాథ్ డైరెక్షన్లో ప్రిన్స్ మహేష్ బాబు తదుపరి చిత్రం ‘బిజినెస్ మాన్’ . ఈ సినిమా 11 జనవరి 2012 న ప్రేక్షకుల ముందుకు వచ్చేందుకు అన్ని హంగులూ పూర్తి చేసుకుంటుంది.
11 . 11 . 11 తేదీన ఈ సినిమా ఫస్ట్ లుక్ విడుదలైంది. తాజాగా ఈ చిత్ర ట్రైలర్స్ ను ‘దూకుడు’ సినిమా ప్రదర్శిస్తోన్న అన్నిథియేటర్లలో చూపిస్తున్నారు.
కాజల్ అగర్వాల్ ఈ సినిమాలో హీరోయిన్ గా నటిస్తుండగా, సంగీతాన్ని తమన్ అందిస్తున్నారు. ఈ చిత్ర యూనిట్ త్వరలో యూరప్ వెళ్లనుంది. అక్కడ కొన్ని సాంగ్స్ మహేష్ – కాజల్ పై చిత్రీకరించనున్నారు. ఈ మూవీ ఆడియో లాంచ్ ఫంక్షన్ డిసెంబర్ లో జరిగే అవకాశం ఉంది.
‘దూకుడు’ సినిమా సంచలన విజయం సాధించటంతో ఈ సినిమా పైనా అంచనాలు తారస్తాయికి చేరుకున్నాయి. ఇంతకుముందు పూరీ జగన్నాథ్ – మహేష్ బాబు కాంబినేషన్లో వచ్చిన ‘పోకిరి’ బాక్స్ ఆఫీసు రికార్డ్లను తిరగరాసిన సంగతి తెలిసిందే.
