అక్కినేని యంగ్ హీరో అఖిల్‌కు టాలీవుడ్‌లో ఎంట్రీ ఇచ్చి చాలా రోజులే అయితుంది. కానీ, ఆయనకు సరైన హిట్ మాత్రం పడలేదని చెప్పాలి. అఖిల్, హలో, మిస్టర్ మజ్ను, మోస్ట్ ఎలిజిబుల్ బ్యాచ్‌లర్, ఏజెంట్.. ఇలా వరుస సినిమాలు చేసినా, సాలిడ్ సక్సెస్ మాత్రం పడలేదు. దీంతో అక్కినేని అభిమానులు నిరాశ కు లోనవుతున్నారు. హ్యాండ్‌సమ్ లుక్స్, అదిరిపోయే ఫిజిక్ ఉన్నా ఆయన ఖాతాలో ఒక్క సాలిడ్ హిట్ లేకపోవడం గమనార్హం.
అయితే, ఇప్పుడు అఖిల్ చాలా జాగ్రత్తగా తన నెక్స్ట్ చిత్రాలను లైన్‌లో పెడుతున్నాడు. ఆయన తన నెక్స్ట్ చిత్రాన్ని దర్శకుడు మురళీ కిషోర్ అబ్బూరి డైరెక్షన్‌లో చేసేందుకు సిద్ధమయ్యాడు. ఈ సినిమాకు ‘లెనిన్’ అనే టైటిల్ కూడా పరిశీలిస్తున్నారట. అయితే, తాజాగా ఈ చిత్ర షూటింగ్‌ను కూడా అఖిల్ సైలెంట్‌గా స్టార్ట్ చేసినట్లుగా వార్తలు వస్తున్నాయి.
రామోజీ ఫిలిం సిటీలో వేసిన సెట్‌లో ఈ చిత్ర షూటింగ్ ప్రారంభమైందని చిత్ర వర్గాల్లో టాక్ వినిపిస్తోంది. ఈ సినిమాలో యంగ్ బ్యూటీ శ్రీలీల హీరోయిన్‌గా నటించబోతున్నట్లు తెలుస్తోంది. ఇక థమన్ సంగీతం అందించనున్న ఈ చిత్రాన్ని సితార ఎంటర్‌టైన్‌మెంట్స్, అన్నపూర్ణ స్టూడియోస్ సంయుక్తంగా ప్రొడ్యూస్ చేయనున్నాయి.