గ్లోబల్ స్టార్ రామ్ చరణ్ ప్రస్తుతం ‘గేమ్ ఛేంజర్’ చిత్రాన్ని రిలీజ్‌కు రెడీ చేశాడు. దర్శకుడు శంకర్ ఈ సినిమాతో సాలిడ్ హిట్ అందుకునేందుకు ప్రయత్నిస్తున్నాడు. ఇక ఈ సినిమాపై అంచనాలు కూడా భారీగా క్రియేట్ అయ్యాయి. అయితే, ఈ సినిమా రిలీజ్‌కు ముందే చరణ్ తన నెక్స్ట్ మూవీని పట్టాలెక్కించాడు.
దర్శకుడు బుచ్చిబాబు సానా డైరెక్షన్‌లో RC16 వర్కింగ్ టైటిల్‌తో చరణ్ తన కొత్త చిత్రాన్ని ప్రారంభించాడు. ఈ మూవీ షూటింగ్ కూడా ఇటీవల స్టార్ట్ అయ్యింది. అయితే, ఇప్పుడు రామ్ చరణ్ తరువాత ప్రాజెక్ట్‌పై సినీ సర్కిల్స్‌లో ఓ ఇంట్రెస్టింగ్ వార్త చక్కర్లు కొడుతోంది. రామ్ చరణ్ తన కెరీర్‌లోని 17వ చిత్రాన్ని దర్శకుడు సుకుమార్ డైరెక్షన్‌లో చేయబోతున్న సంగతి తెలిసిందే.
అయితే, ఈ సినిమాలో చరణ్ సరసన అందాల భామ సాయి పల్లవిని హీరోయిన్‌గా తీసుకురావాలని సుకుమార్ ప్లాన్ చేస్తున్నాడట. స్టార్ పర్ఫార్మర్‌గా సాయి పల్లవి పాత్ర ఈ సినిమాలో వేరే లెవెల్‌లో ఉండబోతుందని.. అందుకే ఈ సినిమాకు ఆమె అయితే పర్ఫెక్ట్‌గా ఉంటుందని సుకుమార్ భావిస్తున్నాడట. మరి నిజంగానే చరణ్ కోసం సుకుమార్ సాయి పల్లవిని పట్టుకొస్తాడా అనేది RC17 పట్టాలెక్కిన తరువాతే తెలుస్తుంది.