మ‌ళ‌యాల బ్యూటీ నివేథా థామ‌స్ కు తెలుగులో మంచి ఫాలోయింగ్ ఉంది. ఆమె న‌టించే సినిమాలు బాక్సాఫీస్ ద‌గ్గ‌ర మంచి విజ‌యాల‌ను కూడా అందుకున్నాయి. అయితే, ఆమె కొంత గ్యాప్ త‌రువాత న‌టిస్తున్న తాజా చిత్రం ”35 – చిన్న క‌థ కాదు” ఇప్ప‌టికే ప్రేక్ష‌కుల్లో మంచి బ‌జ్ ను క్రియేట్ చేసింది.
ఫీల్ గుడ్ ఎంట‌ర్టైన‌ర్ గా రానున్న ఈ సినిమా పోస్ట‌ర్స్, టీజ‌ర్, వీడియో గ్లింప్స్ లు ఈ సినిమాపై అంచ‌నాల‌ను పెంచాయి. ఇక ఈ సినిమా రిలీజ్ కి సంబంధించి తాజాగా ఓ వార్త సినీ స‌ర్కిల్స్ లో జోరుగా చ‌క్క‌ర్లు కొడుతోంది. ఈ సినిమాను తొలుత ఆగస్ట్ 15న రిలీజ్ చేయాల‌ని మేక‌ర్స్ ప్లాన్ చేశారు. కానీ, ఆ రోజున కొన్ని మేజ‌ర్ మూవీస్ రిలీజ్ అవుతుండ‌టంతో ’35’ చిత్రాన్ని వాయిదా వేసిన‌ట్లుగా తెలుస్తోంది. ఇప్పుడు ఈ సినిమాను సెప్టెంబ‌ర్ 5న రిలీజ్ చేసేందుకు మేక‌ర్స్ ప్లాన్ చేస్తున్నార‌ట. అయితే, ఈ విష‌యంపై మేక‌ర్స్ క్లారిటీ ఇవ్వాల్సి ఉంది.
నివేథాతో పాటు ఈ సినిమాలో విశ్వ‌దేవ్ రాచ‌కొండ, ప్రియ‌ద‌ర్శి, గౌతమి, భాగ్య‌రాజ్, కృష్ణ‌తేజ, అరుణ్ దేవ్, అన‌న్య త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. ఈ సినిమాకు వివేక్ సాగ‌ర్ సంగీతం అందిస్తుండ‌గా, నంద‌కిషోర్ ఈమ‌ని డైరెక్ట్ చేస్తున్నారు.
