మ్యాన్ ఆఫ్ మాసెస్ జూ.ఎన్టీఆర్ నటిస్తున్న ది మోస్ట్ అవైటెడ్ మూవీ ‘దేవర’ కోసం ప్రేక్షకులు ఎంత ఆసక్తిగా వెయిట్ చేస్తున్నారో అందరికీ తెలిసిందే. ఈ సినిమాను దర్శకుడు కొరటాల పూర్తి మాస్ యాక్షన్ ఎంటర్‌టైనర్‌గా తెరకెక్కించారు. ఈ సినిమా నుంచి ఎప్పుడెప్పుడు ఎలాంటి అప్డేట్ వస్తుందా అని అభిమానులు ఆశగా ఎదురుచూస్తున్నారు.
ఈ క్రమంలోనే ఈ మూవీలోని మూడో సాంగ్‌కి సంబంధించి ప్రముఖ లిరిసిస్ట్ రామజోగయ్య శాస్త్రి తన సోషల్ మీడియా అకౌంట్‌లో ఓ పోస్ట్ చేశారు. దేవర మూడో పాట ఇటీవల రిలీజ్ అయిన ‘చుట్టమల్లె’ సాంగ్‌ని మించి ఉంటుందని.. ఇందులో పాటతో పాటు ఆట కూడా ఉంటుందని ఆయన అన్నారు. అంతేగాక, ఈ పాటలో తారక్ డ్యాన్స్ నెక్స్ట్ లెవెల్ అని.. ఈ పాట ఎప్పుడొచ్చినా భీభత్సమే అని ఆయన పేర్కొన్నారు.
దీంతో ఇప్పుడు ‘దేవర’ మూవీలోని మూడో పాట ఎప్పుడెప్పుడు వస్తుందా అని అభిమానులు ఆతృతగా ఎదురుచూస్తున్నారు. ఇక ఈ సినిమాలో బాలీవుడ్ భామ జాన్వీ కపూర్ హీరోయిన్‌గా నటిస్తుండగా, సైఫ్ అలీ ఖాన్ విలన్ పాత్రలో నటిస్తున్నాడు. అనిరుధ్ రవిచందర్ సంగీతం అందిస్తున్న ఈ సినిమా సెప్టెంబర్ 27న వరల్డ్‌వైడ్ గ్రాండ్ రిలీజ్ కానుంది.
మూడో పాట
పాట కు మించిన ఆట
కన్నుల పండగఒక ఆట ఆడుకున్నాడట తారకరాముడు
ఎప్పుడని అడక్కండి
ఎప్పుడొచ్చినా భీభత్సమే ❤️ పక్కాఈ ఆల్బమ్ వేరే లెవెల్ అంతే
— RamajogaiahSastry (@ramjowrites) August 27, 2024