నందమూరి బాలకృష్ణ నటిస్తున్న తాజా చిత్రాన్ని యంగ్ డైరెక్టర్ బాబీ తెరకెక్కిస్తున్న సంగతి తెలిసిందే. ఈ సినిమా బాలయ్య కెరీర్‌లో 109వ సినిమాగా వస్తుండటంతో NBK109 అనే వర్కింగ్ టైటిల్‌తో దీన్ని రూపొందిస్తున్నారు. ఇప్పటికే శరవేగంగా షూటింగ్ జరుపుకుంటున్న ఈ సినిమాకు సంబంధించి సినీ వర్గాల్లో ఓ టాక్ జోరుగా చక్కర్లు కొడుతోంది.
బాలయ్యను పూర్తి మాస్ పాత్రలో చూపెడుతూ ఈ సినిమాను తెరకెక్కిస్తోంది చిత్ర యూనిట్. ఇక ఈ సినిమా టైటిల్ విషయంలో చిత్ర యూనిట్ ఓ నిర్ణయానికి వచ్చినట్లు తెలుస్తోంది. ఈ సినిమాకు వీర మాస్ అనే టైటిల్‌ను ఫిక్స్ చేయాలని మేకర్స్ భావిస్తున్నారట. గాడ్ ఆఫ్ మాసెస్ అయిన బాలయ్యకు ఈ టైటిల్ పర్ఫెక్ట్‌గా యాప్ట్ అవుతుందని చిత్ర యూనిట్ భావిస్తోందట.
అయితే, ఈ టైటిల్‌పై ఫ్యాన్స్ అసంతృప్తిగా ఉన్నట్లుగా తెలుస్తోంది. ఇది చాలా పాత తరహా టైటిల్‌గా ఉందని.. వేరొక అల్ట్రా స్టైలిష్ అండ్ పవర్‌ఫుల్ టైటిల్ అయితే బాగుంటుందని వారు చిత్ర యూనిట్‌కు సూచిస్తున్నారట. దీంతో మేకర్స్ ఇప్పుడు వేరొక టైటిల్‌ను ఫిక్స్ చేసే ఆలోచనలో ఉన్నారని తెలుస్తోంది. ఈ సినిమాను సితార ఎంటర్‌టైన్‌మెంట్స్, ఫార్చూన్ ఫోర్ సినిమాస్ బ్యానర్లపై నాగవంశీ, సాయి సౌజన్య ప్రొడ్యూస్ చేస్తున్నారు. మరి NBK109 చిత్రానికి ఎలాంటి టైటిల్‌ను ఫిక్స్ చేస్తారో చూడాలి.
