గ్లోబల్ స్టార్ రామ్ చరణ్ నటిస్తున్న లేటెస్ట్ మూవీ ‘గేమ్ ఛేంజర్’ ఇప్పటికే ప్రేక్షకుల్లో భారీ అంచనాలు క్రియేట్ చేసింది. ఈ సినిమాను దర్శకుడు శంకర్ తెరకెక్కిస్తుండటంతో ఈ మూవీపై అంచనాలను నెక్స్ట్ లెవెల్‌లో క్రియేట్ అయ్యాయి. ఇక ఈ సినిమా నుంచి ఇప్పటివరకు రిలీజ్ అయిన పోస్టర్స్, టీజర్, సాంగ్స్‌కు మంచి రెస్పాన్స్ రావడంతో ఈ మూవీ ఎప్పుడెప్పుడు రిలీజ్ అవుతుందా అని అందరూ ఆసక్తిగా చూస్తున్నారు.
అయితే, ‘గేమ్ ఛేంజర్’ చిత్రాన్ని సంక్రాంతి బరిలో రిలీజ్ చేస్తున్న సంగతి తెలిసిందే. తెలుగులో బాలకృష్ణ, వెంకటేష్‌ల సినిమాలతో పోటీ పడుతున్న ‘గేమ్ ఛేంజర్’ ఇక్కడ సత్తా చాటడం ఖాయమని అభిమానులు ధీమా వ్యక్తం చేస్తున్నారు. అయితే, తమిళ్‌లో మాత్రం ‘గేమ్ ఛేంజర్’ టఫ్ పరిస్థితులను ఎదుర్కోనుందనే టాక్ వినిపిస్తోంది. స్టార్ హీరో అజిత్ నటించిన ‘విదాముయార్చి’ చిత్రం కూడా పొంగల్ రేసులో రిలీజ్ అవుతోంది.
ఈ చిత్రాన్ని తమిళ్‌లో అత్యంత భారీ స్థాయిలో రిలీజ్ చేసేందుకు మేకర్స్ ప్లాన్ చేస్తున్నారు. దీంతో ఎక్కువ థియేటర్లలో అజిత్ సినిమానే రిలీజ్ అవనుంది. ‘గేమ్ ఛేంజర్’కు థియేటర్లు దొరికినా, తమిళ్ ఆడియన్స్ ఫస్ట్ ప్రియారిటీ అజిత్ సినిమాకే ఉంటుందని కోలీవుడ్ వర్గాలు అంటున్నాయి. ఈ లెక్కన ‘గేమ్ ఛేంజర్’కు తమిళ్‌లో టఫ్ జాబ్ తప్పేలా లేదని సినీ క్రిటిక్స్ అంటున్నారు. మరి తమిళ్ బాక్సాఫీస్ దగ్గర ‘గేమ్ ఛేంజర్’ ఎలాంటి రిజల్ట్ రాబడతాడో చూడాలి.
