ఐకాన్ స్టార్ అల్లు అర్జ‌న్ న‌టిస్తున్న లేటెస్ట్ మూవీ ‘పుష్ప-2’ గ‌త‌కొద్ది రోజులుగా టాక్ ఆఫ్ ది ఇండ‌స్ట్రీగా మారింది. ఈ సినిమాకు సంబంధించి ప‌లు ర‌కాల వార్త‌లు ఫిలింన‌గ‌ర్ లో చక్క‌ర్లు కొడుతున్నాయి. ఇక కొంద‌రైతే, ఏకంగా చిత్ర యూనిట్ లో విభేదాలు త‌లెత్తాయ‌ని.. దీని కార‌ణంగా సినిమా షూటింగ్ కూడా ఆగిపోయింద‌ని మాట్లాడుకుంటున్నారు. అయితే, ఇవ‌న్నీ కేవ‌లం పుక‌ర్లే అని తెలుస్తోంది.
పుష్ప-2 మూవీలో అలాంటి వాటికి ఏమాత్రం తావు లేదని చిత్ర యూనిట్ చెబుతోంది. ఇక ద‌ర్శ‌కుడు సుకుమార్ త‌న పని తాను చేసుకుంటూ వెళ్తున్నాడ‌ని.. పుష్ప-2 నెక్ట్స్ షెడ్యూల్ కి కూడా ఆయ‌న రెడీ అయ్యాడ‌ని చిత్ర వ‌ర్గాలు చెబుతున్నాయి. నెక్ట్స్ షెడ్యూల్ షూటింగ్ ను ఈ నెల 25 నుంచి మొదుల‌పెట్టేందుకు ఆయ‌న ఏర్పాట్లు కూడా చేస్తున్నార‌ట.
ఈ షెడ్యూల్ లో అల్లు అర్జున్ 28వ తేదీ నుండి జాయిన్ అవుతార‌ని స‌మాచారం. ఈ షెడ్యూల్ లో ప‌లు కీల‌క స‌న్నివేశాల‌ను చిత్రీక‌రించేందుకు మేక‌ర్స్ ప్లాన్ చేస్తున్నార‌ట. ఈ సినిమాను ఎట్టిప‌రిస్థితుల్లో డిసెంబ‌ర్ 6న రిలీజ్ చేసేందుకు చిత్ర యూనిట్ తీవ్రంగా క‌ష్ట‌ప‌డుతోంది. ర‌ష్మిక మంద‌న్న హీరోయిన్ గా న‌టిస్తోన్న ఈ సినిమాకు దేవిశ్రీ ప్ర‌సాద్ సంగీతం అందిస్తుండ‌గా, మైత్రీ మూవీ మేక‌ర్స్ భారీ బ‌డ్జెట్ తో ప్రొడ్యూస్ చేస్తున్నారు.
