యంగ్ హీరో నితిన్ ప్రస్తుతం తన నెక్ట్స్ ప్రాజెక్టులను వరుసగా తెరకెక్కిస్తూ బిజీగా ఉన్నాడు. నితిన్ నెక్ట్స్ సినిమాల కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ క్రమంలో ఆయన నటిస్తున్న రాబిన్‌హుడ్ సినిమాపై ఇప్పటికే ప్రేక్షకుల్లో భారీ అంచనాలు క్రియేట్ అయిన సంగతి తెలిసిందే. ఇక నితిన్ నటిస్తున్న మరో సినిమా ‘తమ్ముడు’పై కూడా అభిమానుల్లో ఆసక్తి నెలకొంది.
దీంతో ఆయన నటిస్తున్న నెక్ట్స్ సినిమా తమ్ముడు షూటింగ్ పై అభిమానులు ఆస‌క్తిని చూపుతున్నారు. అయితే, ఈ సినిమా ఇప్పటికే 70 శాతం షూటింగ్ ముగించుకున్న‌ట్లుగా తెలుస్తోంది. ప్రస్తుతం రామోజీ ఫిలిం సిటీలో ఓ భారీ సెట్ లో యాక్ష‌న్ సీక్వెన్స్ తెర‌కెక్కిస్తున్నార‌ట. ఈ సినిమాలో నితిన్ లుక్స్ అభిమానుల‌కు ఓ ట్రీట్ లా ఉండ‌బోతున్న‌ట్లు మేక‌ర్స్ చెబుతున్నారు.
ఈ సినిమాలో వీఎఫ్ఎక్స్ అధికంగా ఉండ‌నున్నాయి. దీని కోస‌మే సినిమా ఆలస్యం అవుతుంద‌ని చిత్ర యూనిట్ చెబుతోంది. ఇక ఈ సినిమాలో సప్త‌మి గౌడ, ల‌య, టెంప‌ర్ వంశీ త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు.
