బాలీవుడ్ నటుడు సిద్దార్ధ మల్హోత్రా నటించిన లేటెస్ట్ యాక్షన్ ఎంటర్టైనర్ మూవీ యోధ. ఈ మూవీలో రాశి ఖన్నా, దిశా పటాని కీలక పాత్రల్లో కనిపించగా సాగర్ అంబ్రే, పుష్కర్ ఓజా దీనిని తెరకెక్కించారు. ఇటీవల ఆడియన్స్ ముందుకి వచ్చిన ఈమూవీ యావరేజ్ విజయం అందుకుంది. ఇక తాజా అప్ డేట్ ప్రకారం యోధ మూవీ ఏప్రిల్ 19న ఓటిటి ఆడియన్స్ ముందుకి రానున్నట్లు తెలుస్తోంది.
అయితే హిందీ సినిమాలు థియేటర్స్ లో రిలీజ్ అయిన ఎనిమిది వారాల అనంతరమే ఓటిటి లోకి వస్తాయనేది తెలిసిందే. ఇక ఈ మూవీ ఏప్రిల్ 19న ప్రముఖ ఓటిటి మాధ్యమం అమెజాన్ ప్రైమ్ ద్వారా ఆడియన్స్ ముందుకి రానుండగా త్వరలో అఫీషియల్ అప్ డేట్ రానున్నట్లు తెలుస్తోంది. కాగా ఈ మూవీని ధర్మ ప్రొడక్షన్స్ బ్యానర్ పై కరణ్ జోహార్ గ్రాండ్ లెవెల్లో నిర్మించారు.
