మలయాళ హీరో దుల్కర్ సల్మాన్ నటించిన లేటెస్ట్ మూవీ ‘లక్కీ భాస్కర్’ దీపావళి కానుకగా మంచి బజ్‌తో రిలీజ్ అయ్యింది. ఈ సినిమాను దర్శకుడు వెంకీ అట్లూరి డైరెక్ట్ చేసిన విధానం ప్రేక్షకులను ఆకట్టుకుంది. ఇక ఈ సినిమాకు ప్రేక్షకుల నుండి మంచి రెస్పాన్స్ రావడంతో, బాక్సాఫీస్ దగ్గర ఈ మూవీకి మంచి వసూళ్లు వస్తున్నాయి.
ఇప్పటికే ఈ సినిమా రూ.75 కోట్ల మేర వసూళ్లు సాధించి రెండో వారంలోకి ప్రవేశించింది. అయితే, ఇప్పుడు ఈ సినిమా వంద కోట్ల క్లబ్‌లోకి ప్రవేశిస్తుందా లేదా.. అనేది ఆసక్తికరంగా మారింది. ఈ సినిమాకు పోటీగా వచ్చిన ‘అమరన్’, ‘క’ చిత్రాలు కూడా బాక్సాఫీస్ దగ్గర మంచి విజయాన్ని అందుకున్నాయి. ఈ రెండు చిత్రాలకు కూడా కలెక్షన్స్ బాగా వస్తుండటంతో, ఆ ప్రభావం ‘లక్కీ భాస్కర్’పై కొంతమేర పడిందనే చెప్పాలి.
మరి రెండో వారంలోకి ప్రవేశించిన ‘లక్కీ భాస్కర్’ వంద కోట్ల క్లబ్‌లోకి అడుగుపెడతాడా లేదా అనేది చూడాలి. ఇక ఈ సినిమాలో అందాల భామ మీనాక్షి చౌదరి హీరోయిన్‌గా నటించగా.. జివి.ప్రకాష్ కుమార్ సంగీతం అందించాడు. సితార ఎంటర్‌టైన్‌మెంట్స్, ఫార్చున్ ఫోర్ సినిమాస్ బ్యానర్లు ఈ మూవీని ప్రొడ్యూస్ చేశాయి.
