సూపర్ స్టార్ రజనీకాంత్ ప్రధాన పాత్రలో నటించిన చంద్రముఖి చిత్రం 2005 లో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం సెన్సేషన్ క్రియేట్ చేసిన సంగతి అందరికీ తెలిసిందే. ఈ చిత్రానికి సీక్వెల్ గా తెరకెక్కిన చంద్రముఖి 2 బాక్సాఫీస్ వద్ద అంతగా రాణించలేదు. రాఘవ లారెన్స్, కంగనా రనౌత్, లక్ష్మీ మీనన్, వడివేలు, మహిమా నంబియార్ లు ప్రధాన పాత్రల్లో నటించిన ఈ చిత్రానికి పి. వాసు దర్శకత్వం వహించారు.
ఈ చిత్రం ఇటీవల ప్రముఖ టీవీ ఛానల్ అయిన జెమిని టీవీ లో వరల్డ్ టెలివిజన్ ప్రీమియర్ గా బుల్లితెర ప్రేక్షకుల ముందుకు వచ్చింది. ఈ చిత్రం మంచి టీఆర్పీ రేటింగ్ ను రాబట్టడం జరిగింది. 5.73 టీఆర్పీ తో సూపర్ రెస్పాన్స్ ను సొంతం చేసుకుంది. లైకా ప్రొడక్షన్స్ పతాకంపై నిర్మించిన ఈ చిత్రానికి ఎంఎం కీరవాణి సంగీతం అందించారు.
