దేవదాస్, జాన్ సమర్పణలో కొమరపు ప్రొడక్షన్స్ పతాకంపై ఆదిత్య ఓం, అరుణ్ రాహుల్, అంజన, శ్రీనివాస్, రోహిణి, ఆర్ చలపతి రాజు తదితరులు ముఖ్య పాత్రల్లో నటించిన చిత్రం ‘చేతిలో చెయ్యేసి చెప్పు బావ’. ఇప్పటికే అన్ని కార్యక్రమాలు పూర్తి చేసుకున్న ఈ చిత్రం నవంబర్ 29న ప్రేక్షకుల ముందుకు రానుంది. ఈ నేపథ్యంలో చిత్ర యూనిట్ రీసెంట్‌గా హైదరాబాద్‌లో ప్రీ-రిలీజ్ ఈవెంట్ కార్యక్రమం నిర్వహించారు. ఈ కార్యక్రమంలో తెలంగాణ సినిమాటోగ్రఫీ మినిస్టర్ కోమటిరెడ్డి వెంకటరెడ్డి, సహనిర్మాత రేగట్టే లింగారెడ్డి మరియు చిత్ర యూనిట్ పాల్గొన్నారు.
ఈ సందర్భంగా చిత్ర నిర్మాత కే.జోసఫ్ మాట్లాడుతూ.. ‘ఇది ఒక వెరైటీ లవ్ స్టోరీ. అన్ని కమర్షియల్ హంగులతో ఈ చిత్రాన్ని తెరకెక్కించాం. బండారు దానయ్య కవి అద్భుతమైన పాటలు ఈ చిత్రానికి అదనపు ఆకర్షణ. ఒక మంచి సందేశంతో ప్రేక్షకులు అందరూ చూసే విధంగా ఈ చిత్రాన్ని తీయడం జరిగింది. ఈ చిత్రాన్ని నవంబర్ 29న ప్రేక్షకులకు ముందుకు తీసుకురానున్నాం. ప్రేక్షకులు ఆశీర్వదిస్తారని కోరుకుంటున్నాం’ అని అన్నారు.
సుమన్, కవిత, పోసాని కృష్ణ మురళి, జయప్రకాష్ రెడ్డి, ఆనంద్, జయవాణి, చిత్రo శీను, సుమన్ శెట్టి, జబర్దస్త్ అప్పారావు తదితరులు నటించిన ఈ చిత్రానికి పార్థు సంగీతం అందిస్తుండగా స్క్రీన్ ప్లే, కొరియోగ్రఫీ, డైరెక్షన్ కట్ల రాజేంద్రప్రసాద్ అందిస్తున్నారు.