ట్యాలెంటెడ్ యాక్టర్ సత్యదేవ్ నటిస్తున్న లేటెస్ట్ మూవీ ‘జీబ్రా’ నవంబర్ 22న గ్రాండ్ రిలీజ్‌కి రెడీ అవుతోంది. ఈ సినిమాను దర్శకుడు ఈశ్వర్ కార్తిక్ ఆర్థిక క్రైమ్ థ్రిల్లర్ చిత్రంగా తెరకెక్కించాడు. ఈ సినిమాలో కన్నడ నటుడు డాలి ధనంజయ కూడా మరో లీడ్ రోల్‌లో నటిస్తున్నాడు. ఇప్పటికే రిలీజ్ అయిన ఈ సినిమా పోస్టర్స్, టీజర్లు ప్రేక్షకుల్లో సినిమాపై మంచి బజ్‌ని క్రియేట్ చేశాయి.
ఇక ఈ సినిమాకు తన మద్దతు ఇచ్చేందుకు మెగాస్టార్ చిరంజీవి ముందుకు వచ్చారు. ‘జీబ్రా’ మెగా ఈవెంట్ పేరుతో నిర్వహిస్తున్న కార్యక్రమానికి మెగాస్టార్ చిరంజీవి చీఫ్ గెస్టుగా రాబోతున్నట్లు చిత్ర యూనిట్ తెలిపింది. ఈ ఈవెంట్‌ను హైదరాబాద్‌లోని పార్క్ హయత్‌లో నవంబర్ 12న సాయంత్రం 6 గంటలకు ప్రారంభించనున్నారు. ఈ సినిమా ఈవెంట్‌కి చిరంజీవి వస్తుండటంతో మూవీపై అంచనాలు పెరిగాయి.
ఈ సినిమాలో ప్రియా భవానీ శంకర్, సత్యరాజ్, సునీల్, సత్య తదితరులు ఇతర ముఖ్య పాత్రల్లో నటిస్తున్నారు. రవి బస్రూర్ సంగీతం అందిస్తున్న ఈ సినిమాను ఓల్డ్ టౌన్ పిక్చర్స్, పద్మజ ఫిలింస్ ఇండియా ప్రై.లిమిటెడ్ బ్యానర్లు సంయుక్తంగా ప్రొడ్యూస్ చేస్తున్నాయి.