మెగాస్టార్ చిరంజీవి సినీ కెరీర్ లో ‘ఇంద్ర’ మూవీ ఎలాంటి సెన్సేష‌న్ క్రియేట్ చేసిందో అంద‌రికీ తెలిసిందే. తొలిసారి ఫ్యాక్ష‌న్ మూవీలో న‌టించిన మెగాస్టార్ చిరంజీవి అద్భుత‌మైన ప‌ర్ఫార్మెన్స్ తో ఈ సినిమాను నెక్ట్స్ లెవెల్ కు తీసుకెళ్లాడు. ఇక ఈ సినిమాను ద‌ర్శ‌కుడు బి.గోపాల్ తెర‌కెక్కించిన తీరుకు ప్రేక్ష‌కులు ఫిదా అయిపోయారు. ఈ సినిమా ఇండ‌స్ట్రీ హిట్ గా నిలిచి మెగాస్టార్ కెరీర్ లో మైల్ స్టోన్ మూవీగా నిలిచింది.
‘ఇంద్ర’ సినిమా రిలీజ్ అయ్యి 22 సంవ‌త్స‌రాలు పూర్త‌యిన సంద‌ర్భంగా చిత్ర మేక‌ర్స్ ఈ సినిమాను రీ-రిలీజ్ చేస్తున్న‌ట్లు ప్ర‌క‌టించారు. మెగాస్టార్ చిరంజీవి పుట్టిన‌రోజు అయిన ఆగ‌స్టు 22న ‘ఇంద్ర’ చిత్రాన్ని రీ-రిలీజ్ చేస్తున్న‌ట్లు వారు ప్ర‌క‌టించారు.
దీంతో మెగా ఫ్యాన్స్ సంతోషానికి అవ‌ధులు లేకుండా పోయాయి. ప్ర‌స్తుతం రీ-రిలీజ్ చిత్రాల ట్రెండ్ న‌డుస్తుండ‌టంతో, ‘ఇంద్ర’ సినిమా మ‌రోసారి బాక్సాఫీస్ ద‌గ్గ‌ర సెన్సేష‌న్ క్రియేట్ చేయ‌డం ఖాయ‌మ‌ని మెగా ఫ్యాన్స్ ధీమా వ్యక్తం చేస్తున్నారు. ఇక ఈ సినిమాలో సోనాలి బింద్రే, ఆర్తి అగ‌ర్వాల్ హీరోయిన్లుగా న‌టించ‌గా మ‌ణిశ‌ర్మ సంగీతం అందించారు. ఈ చిత్రాన్ని వైజ‌యంతి మూవీస్ బ్యాన‌ర్ పై అశ్వినీద‌త్ ప్రొడ్యూస్ చేశారు.