మెగాస్టార్ చిరంజీవి నటిస్తున్న లేటెస్ట్ మూవీ ‘విశ్వంభర’ మూవీపై భారీ అంచనాలు క్రియేట్ అయ్యాయి. ఇప్పటికే ఈ సినిమా నుండి ఫస్ట్ లుక్ పోస్టర్స్‌తో పాటు టీజర్ గ్లింప్స్ కూడా రావడం.. వాటికి ప్రేక్షకుల నుండి సాలిడ్ రెస్పాన్స్ దక్కడంతో ఈ సినిమాను ఎప్పుడెప్పుడు చూద్దామా అని అభిమానులు ఎంతో ఆసక్తిగా చూస్తున్నారు. అయితే, ప్రస్తుతం ఈ సినిమాకు సంబంధించిన వీఎఫ్ఎక్స్ పనుల్లో చిత్ర యూనిట్ బిజీగా ఉంది.
అంతేగాక, ఈ సినిమాకు సంబంధించి కొంతమేర షూటింగ్ బ్యాలెన్స్ ఉందని.. ఈ షూటింగ్‌ను జపాన్‌లో ప్లాన్ చేశారట మేకర్స్. దీనికోసం మెగాస్టార్ చిరంజీవి బుధవారం నాడు జపాన్‌కు వెళ్లనున్నట్లు సినీ సర్కిల్స్‌లో వార్తలు వినిపిస్తున్నాయి. ఇక ఈ షెడ్యూల్‌లో చాలా కీలకమైన సీన్స్ తెరకెక్కనున్నాయని.. ఇవి సినిమాకే హైలైట్‌గా ఉండబోతున్నాయని వార్తలు చక్కర్లు కొడుతున్నాయి.
మరి దర్శకుడు వశిష్ఠ జపాన్ షెడ్యూల్‌లో ఎలాంటి సీన్స్ ప్లాన్ చేశాడో తెలియాలంటే వెయిట్ చేయాల్సిందే. ఇక ఫాంటెసీ అడ్వెంచర్ మూవీగా తెరకెక్కుతున్న ‘విశ్వంభర’ మూవీలో త్రిష, ఆషికా రంగనాథ్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు ఎంఎం.కీరవాణి సంగీతం అందిస్తున్నారు. యువి క్రియేషన్స్ బ్యానర్ ఈ సినిమాను అత్యంత భారీ బడ్జెట్‌తో ప్రొడ్యూస్ చేస్తున్నారు.