మెగాస్టార్ చిరంజీవి కెరీర్ లో ఎన్నో భారీ బ్లాక్ బస్టర్ చిత్రాలు ఉన్నాయి. అందులో ఇంద్ర చిత్రానికి ప్రత్యేక స్థానం ఉంది. ఈ యాక్షన్ డ్రామా బాక్సాఫీస్ వద్ద రికార్డులను తిరగరాసింది. ఇప్పుడు ఈ చిత్రం రీ-రిలీజ్ కి రెడీ అయిపోయింది. ప్రస్తుతం టాలీవుడ్ లో రీ-రిలీజ్ ట్రెండ్ నడుస్తోంది. మెగాస్టార్ చిరంజీవి పుట్టిన రోజు సందర్భంగా ఆగస్టు 22, 2024 న వరల్డ్ వైడ్ గా థియేటర్లలో రీ రిలీజ్ కానుంది. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు.
ఇంద్ర చిత్రం మళ్ళీ థియేటర్ల లో రిలీజ్ అవుతుందా? లేదా అని ఎదురు చూసిన వారికి ఇది గుడ్ న్యూస్ అని చెప్పాలి. తెలుగు రాష్ట్రాల్లో ఆసియన్ సురేష్ ఎంటర్ టైన్మెంట్ ద్వారా థియేటర్లలోకి రానుంది. బీ. గోపాల్ దర్శకత్వంలో తెరకెక్కిన ఈ చిత్రం లో సోనాలి బింద్రే, ఆర్తీ అగర్వాల్ లు హీరోయిన్స్ గా నటించారు. వైజయంతి మూవీస్ బ్యానర్ పై నిర్మించిన ఈ చిత్రానికి మెలోడీ బ్రహ్మ మణిశర్మ సంగీతం అందించారు.
