యంగ్ టైగర్ ఎన్టీఆర్, బాలీవుడ్ బ్యూటీ జాన్వీ కపూర్ ప్రధాన పాత్రల్లో, కొరటాల శివ దర్శకత్వంలో తెరకెక్కుతున్న యాక్షన్ ఎంటర్టైనర్ దేవర. సెప్టెంబర్ 27, 2024 న వరల్డ్ వైడ్ గా పాన్ ఇండియా భాషల్లో థియేటర్ల లో రిలీజ్ కాబోతున్న ఈ చిత్రం పై ప్రేక్షకుల్లో, అభిమానుల్లో భారీ అంచనాలు నెలకొన్నాయి. రాక్ స్టార్ అనిరుధ్ రవి చందర్ సంగీతం అందిస్తున్న ఈ చిత్రం కోసం ఆడియెన్స్ ఎంతగానో ఎదురు చూస్తున్నారు. ఇప్పటికే రిలీజైన ప్రచార చిత్రాలకి సూపర్ రెస్పాన్స్ వచ్చింది. ఇటీవల రిలీజైన చుట్టమల్లె సాంగ్ అయితే అద్దిరిపోయే రెస్పాన్స్ ను సొంతం చేసుకుంటుంది.
ఈ సాంగ్ ఫాస్టెస్ట్ 50 మిలియన్స్ వ్యూస్ రాబట్టిన లిరికల్ వీడియో గా రికార్డు ను క్రియేట్ చేసింది. ఇదే విషయాన్ని మేకర్స్ సరికొత్త పోస్టర్ ద్వారా వెల్లడించారు. దేవర చిత్రం లోని సాంగ్స్ మిలియన్స్ లో వ్యూస్ రావడం పట్ల ఫ్యాన్స్ సంతోషం వ్యక్తం చేస్తున్నారు. ఇక బాలీవుడ్ స్టార్ యాక్టర్ సైఫ్ అలీఖాన్ ఈ చిత్రంలో కీలక పాత్రలో కనిపించనున్నాడు.
