అందరూ ఎంతో ఆసక్తిగా ఎదురు చూస్తున్న చిత్రాల్లో దేవర చిత్రం ఒకటి. ఈ పాన్ ఇండియా మూవీలో యంగ్ టైగర్ ఎన్టీఆర్ హీరోగా నటిస్తుండగా, బాలీవుడ్ బ్యూటీ జాన్వీ కపూర్ హీరోయిన్ గా నటిస్తుంది. జనతా గ్యారేజ్ చిత్రం తరువాత కొరటాల శివ మరోసారి యంగ్ టైగర్ ఎన్టీఆర్ ను డైరెక్ట్ చేస్తుండడంతో సినిమాపై అంచనాలు భారీగా ఉన్నాయి. ఈ కాంబినేషన్ రికార్డులు క్రియేట్ చేస్తాయి అని అభిమానులు ఆశాభావం వ్యక్తం చేస్తున్నారు.
ఈ చిత్రం నుండి రిలీజైన దేవర టైటిల్ ట్రాక్ మరియు చుట్టమల్లె సాంగ్ కు సెన్సేషన్ రెస్పాన్స్ వస్తోంది. ఇటీవల రిలీజైన చుట్టమల్లె ట్రాక్ కి ఆడియెన్స్ ఫిదా అయిపోయారు. ఈ సాంగ్ ప్రముఖ మ్యూజిక్ యాప్ అయిన స్పాటిఫై లో టాప్ లో ట్రెండ్ అవుతోంది. ఇండియాలో టాప్ వన్ గా, గ్లోబల్ లో టాప్ 13 గా ట్రెండ్ అవుతోంది. ఇది సెన్సేషన్ రెస్పాన్స్ అని చెప్పాలి.
రాక్ స్టార్ అనిరుధ్ రవి చందర్ ఈ చిత్రానికి అధ్బుతమైన సంగీతం అందిస్తున్నాడు. బాలీవుడ్ స్టార్ యాక్టర్ సైఫ్ అలీ ఖాన్ ఈ చిత్రంలో విలన్ పాత్రలో నటిస్తుండగా, యువ సుధ ఆర్ట్స్ మరియు ఎన్టీఆర్ ఆర్ట్స్ బ్యానర్ లపై చిత్రాన్ని నిర్మిస్తున్నారు.
