ప్రస్తుతం మన టాలీవుడ్ నుంచి రాబోతున్న కొన్ని అవైటెడ్ పాన్ ఇండియా చిత్రాల్లో ఐకాన్ స్టార్ అల్లు అర్జున్ (Allu Arjun) హీరోగా రష్మికా మందన్నా (Rashmika Mandanna) హీరోయిన్ గా దర్శకుడు సుకుమార్ తెరకెక్కిస్తున్న భారీ చిత్రం “పుష్ప 2” కూడా ఒకటి. మరి ఎన్నో అంచనాలు సెట్ చేసుకున్న ఈ చిత్రం కోసం అభిమానులు ఎప్పుడు నుంచో ఆసక్తిగా ఎదురు చూస్తున్నారు కానీ రిలీజ్ మాత్రం ఈ ఆగస్ట్ లోనే కావాల్సింది కాస్తా డిసెంబర్ కి వాయిదా పడింది.
అయితే ఈ చిత్రం ఈ డేట్ లో కూడా రాదనీ మేకర్స్ కొత్త డేట్ అనౌన్స్ చేయనున్నారు అంటూ ఈ రెండు రోజులుగా సోషల్ మీడియాలో ప్రచారం జరుగుతుంది. అయితే ఇపుడు ఈ సినిమా రిలీజ్ రూమర్స్ పై క్లారిటీ తెలుస్తుంది. ప్రస్తుతానికి మేకర్స్ డిసెంబర్ 6 డేట్ లోనే స్టిక్ అయ్యి ఉన్నారట. మళ్ళీ కొత్త డేట్ వదిలే ప్లానింగ్స్ లాంటివి లేవని ప్రస్తుతం షూటింగ్ పూర్తి చేయడం పైనే దృష్టి ఉంచినట్టుగా తెలుస్తుంది. సో పుష్ప 2 నుంచి కొత్త డేట్ వస్తుంది అనే ఊహాగానాల్లో నిజం లేదని చెప్పాలి. ఇక ఈ చిత్రానికి దేవిశ్రీ ప్రసాద్ సంగీతం అందిస్తుండగా మైత్రి మూవీ మేకర్స్ వారు నిర్మాణం వహిస్తున్నారు.