కోలీవుడ్ స్టార్ యాక్టర్ విక్రమ్ ప్రధాన పాత్రలో, దర్శకుడు ఆర్. అజయ్ జ్ఞానముత్తు దర్శకత్వంలో తెరకెక్కిన సైకలాజికల్ యాక్షన్ థ్రిల్లర్ కోబ్రా. 2022 లో థియేటర్లలో రిలీజ్ అయ్యి ప్రేక్షకులను, అభిమానులని విశేషం గా ఆకట్టుకుంది. ఈ చిత్రం ఇప్పటికే డిజిటల్ గా ఓటిటి లో అందుబాటులో ఉంది. తాజాగా ఈ చిత్రం వరల్డ్ టెలివిజన్ ప్రీమియర్ గా బుల్లితెర ప్రేక్షకులను అలరించడానికి రెడీ అయిపోయింది.
ఈ చిత్రం యొక్క శాటిలైట్ హక్కులను జీ తెలుగు సొంతం చేసుకున్న సంగతి తెలిసిందే. జీ సినిమాలు ఛానెల్ లో సెప్టెంబర్ 21 వ తేదీన సాయంత్రం 6:00 గంటలకు ప్రసారం కానుంది. శ్రీనిధి శెట్టి, ఇర్ఫాన్ పఠాన్,రోషన్ మాథ్యూ, సర్జనో ఖాలిడ్, మిర్ణాలిని రవి, కే.ఎస్. రవి కుమార్, ఆనంద రాజ్ లు కీలక పాత్రల్లో నటించిన ఈ చిత్రానికి రెహమాన్ సంగీతం అందించాడు. బుల్లితెర పై ఈ చిత్రం ఎలాంటి రెస్పాన్స్ ను సొంతం చేసుకుంటుందో చూడాలి.