పింక్ ఎలిఫెంట్ పిక్చర్స్ పతాకంపై మెగా డాటర్ నిహారిక కొణిదెల నిర్మించిన కమిటీ కుర్రోళ్ళు చిత్రం బాక్సాఫీసు వద్ద మంచి వసూళ్లను రాబడుతోంది. ఈ చిత్రం కేవలం మూడు రోజుల్లోనే 6.04 కోట్ల రూపాయల వసూళ్లను రాబట్టింది. ఇది సూపర్ రెస్పాన్స్ అని చెప్పాలి. మొదటి రోజు కంటే రెండో రోజు, రెండో రోజు కంటే మూడో రోజు ఈ చిత్రం మంచి వసూళ్లను రాబట్టింది.
ఈ చిత్రంలో ప్రముఖ నటీనటులు లేనప్పటికీ ఈ రేంజ్ రెస్పాన్స్ అంటే, అది గోప్పం విషయం అని చెప్పవచ్చు. ఈ సినిమా వసూళ్ల విషయంలో మౌత్ టాక్ కీలకం అయ్యింది. ఇక సందీప్ సరోజ్, యశ్వంత్ పెండ్యాల, త్రినాథ్ వర్మ, ప్రసాద్ బెహరా, ఈశ్వర్ రాచిరాజు, సాయి కుమార్, గోపరాజు రమణ, మణికంఠ పరసు, లోకేష్ కుమార్ పరిమి, శ్యామ్ కళ్యాణ్, రఘువరన్, శివకుమార్ మట్టా, అక్షయ్ శ్రీనివాస్, శరణ్య సురేష్, తేజస్వీ రావు, విశిక, షణ్ముకి నగుమంత్రి తదితరులు నటించిన ఈ చిత్రానికి అనుదీప్ దేవ్ సంగీతం అందించారు.