మన టాలీవుడ్ యంగ్ అండ్ టాలెంటెడ్ హీరో మాస్ కా దాస్ విశ్వక్ సేన్ హీరోగా నటించిన లేటెస్ట్ మాస్ ఎంటర్టైనర్ “మెకానిక్ రాకీ” రిలీజ్ పనుల్లో ఉన్న సంగతి తెలిసిందే. మరి ఈ సినిమా ప్రమోషన్స్ లో ఆ సినిమా అలాగే తన లైనప్ పై కూడా పలు ఇంట్రెస్టింగ్ డీటెయిల్స్ ని మాస్ కా దాస్ అందించాడు.
అయితే తాను చేసిన చాలా చిత్రాల్లో మాత్రం ఒక కల్ట్ ఫాలోయింగ్ ని తెచ్చుకున్న సినిమా ఏదన్నా ఉంది అంటే అది దర్శకుడు తరుణ్ భాస్కర్ తో చేసిన ఫ్రెండ్షిప్ ఎంటర్టైనర్ చిత్రం “ఈ నగరానికి ఏమైంది” అనే చెప్పాలి. తరుణ్ భాస్కర్ రైటింగ్ వివేక్ సాగర్ మ్యాజికల్ మ్యూజిక్ తో సినిమా మంచి ఫాలోయింగ్ ని సొంతం చేసుకుంది.
ఇక టాలీవుడ్ యువత ఈ సినిమా సీక్వెల్ కోసం ఎప్పుడు నుంచో ఎదురు చూస్తుండగా రీసెంట్ గానే సినిమా మొదలు కాబోతుంది అని ఒక టాక్ వచ్చింది. అయితే ఫైనల్ గా ఇపుడు విశ్వక్ సేన్ దీనిపై ఓ క్లారిటీ ఇచ్చేసాడు. ఈ అవైటెడ్ సీక్వెల్ ని తాము 2026లో ప్రేక్షకుల ముందుకు తీసుకొస్తున్నట్టుగా తాను కన్ఫర్మ్ చేసాడు. సో ఈ నగరానికి ఏమైంది లవర్స్ అప్పుడు వరకు ఆగాల్సిందే అని చెప్పాలి.