మన టాలీవుడ్ సూపర్ స్టార్ మహేష్ బాబు హీరోగా నటించిన లాస్ట్ చిత్రం “గుంటూరు కారం” కోసం తెలిసిందే. ఈ సినిమా తర్వాత గ్లోబల్ దర్శకుడు ఎస్ ఎస్ రాజమౌళితో మహేష్ తన కెరీర్ 29వ సినిమా (SSMB 29) చేస్తుండగా దీనిపై సెన్సేషనల్ హైప్ నెలకొంది. అయితే ఈ చిత్రం ఇంకా మొదలు కావాల్సి ఉండగా ఇది ఎప్పుడు వస్తుంది అనేది కూడా ప్రశ్నగానే మారింది. దీనితో ఈ గ్యాప్ లో మహెష్ అభిమానులకి ఎంటర్టైన్మెంట్ ఇక తమ హీరో పాత చిత్రాలే కాగా ఇప్పుడు ఒకో సినిమా రీ రిలీజ్ కి వస్తున్నాయి.
మరి రీ రిలీజ్ లలో సరికొత్త ట్రెండ్ ని స్టార్ట్ చేసిన మహేష్ బాబు అభిమానులు ఈసారి తన పుట్టినరోజుకి మహేష్ క్లాసిక్ హిట్ చిత్రం “మురారి” ప్లాన్ చేసుకున్న సంగతి తెలిసిందే. ఈ సినిమా బుకింగ్స్ రీసెంట్ గా స్టార్ట్ కాగా దీనికి అదిరే రెస్పాన్స్ వస్తుంది. ఓపెన్ చేసిన మొదటి రోజే 40 లక్షలకి పైగా వసూళ్లు కేవలం బుకింగ్స్ తోనే వచ్చినట్టుగా తెలుస్తుంది. దీనితో ఇలాంటి క్లాస్ సినిమాకి కూడా మాస్ బుకింగ్స్ ని చూపించడం మహేష్ బాబుకే సాధ్యం అయ్యింది అని చెప్పాలి.