యంగ్ టాలెంటెడ్ యాక్టర్ అడివి శేష్ హీరోగా శశికిరణ్ టిక్కా దర్శకత్వంలో తెరకెక్కిన స్పై యాక్షన్ ఎంటర్టైనర్ మూవీ గూఢచారి 2018లో రిలీజ్ అయి పెద్ద విజయం అందుకుంది. ఇక ప్రస్తుతం దానికి సీక్వెల్ గా పాన్ ఇండియన్ రేంజ్ లో తెరకెక్కుతున్న మూవీ గూఢచారి 2. ఇటీవల అనౌన్స్ మెంట్ గ్లింప్స్ తో అందరిలో మంచి అంచనాలు ఏర్పరిచిన ఈ మూవీ యొక్క షూటింగ్ ప్రస్తుతం వేగంగా జరుగుతోంది.
పీపుల్ మీడియా ఫ్యాక్టరీ సంస్థ గ్రాండ్ లెవెల్లో నిర్మిస్తున్న ఈమూవీని వినయ్ కుమార్ సిరిగినీడి తెరకెక్కిస్తున్నారు. విషయం ఏమిటంటే, లేటెస్ట్ టాలీవుడ్ క్రేజీ బజ్ ప్రకారం ఈ స్పై యాక్షన్ థ్రిల్లింగ్ మూవీని రానున్న 2025 సంక్రాంతి కానుకగా ఆడియన్స్ ముందుకి తీసుకువచ్చేందుకు మేకర్స్ సన్నాహాలు చేస్తున్నారట. అయితే దీని పై వారి నుండి అధికారికంగా ప్రకటన మాత్రం రావాల్సి ఉంది. కాగా ఈమూవీ లో శేష్ కి జోడీగా లండన్ భామ బనిత సంధు నటిస్తున్నారు.