సూపర్ స్టార్ మహేష్ బాబు హీరోగా శ్రీలీల, మీనాక్షి చౌదరిల కాంబినేషన్ లో తెరకెక్కుతున్న లేటెస్ట్ మూవీ గుంటూరు కారం. త్రివిక్రమ్ శ్రీనివాస్ తెరకెక్కిస్తున్న ఈ మూవీలో రమ్యకృష్ణ, ప్రకాష్ రాజ్, జగపతిబాబు, రఘుబాబు, బ్రహ్మానందం, సునీల్ తదితరులు నటిస్తుండగా ఎస్ థమన్ సంగీతం అందిస్తున్నారు. ఇప్పటికే ఈ మూవీ నుండి రిలీజ్ అయిన మూడు సాంగ్స్ మంచి రెస్పాన్స్ సొంతం చేసుకోగా తాజాగా రిలీజ్ అయిన కుర్చీ మడతపెట్టి లిరికల్ సాంగ్ లో మహేష్, శ్రీలీల తమ మాస్ డ్యాన్స్ లతో ఆకట్టుకున్నారు.
విషయం ఏమిటంటే, గుంటూరు కారం మూవీలో ఈ సాంగ్ తో పాటు ఇటీవల పలాస మూవీలో పాపులైన నక్కిలీసు గొలుసు రీమిక్స్ వర్షన్ సాంగ్ కూడా ఉందని, అలానే మిర్చి గోడౌన్ లో చిత్రీకరించిన ఈ మాస్ సాంగ్ లో కూడా మహేష్, శ్రీలీల సూపర్ డ్యాన్స్ తో అదరగొట్టారని క్రేజీ బజ్. కాగా ఇది మూవీలో సెకండ్ హాఫ్ లో వస్తుందని అంటున్నారు. అయితే ఈ న్యూస్ పై క్లారిటీ రావాల్సి ఉంది. ఒకవేళ ఇదే కనుక నిజం అయితే సూపర్ స్టార్ ఫ్యాన్స్ కి ఇది పెద్ద న్యూస్ అని తెలుస్తోంది. గుంటూరు కారం మూవీ జనవరి 12న గ్రాండ్ గా ఆడియన్స్ ముందుకి రానుంది.