ప్రస్తుతం ఐకాన్ స్టార్ అల్లు అర్జున్ హీరోగా దర్శకుడు సుకుమార్ తో అవైటెడ్ భారీ సీక్వెల్ “పుష్ప 2” చేస్తున్న సంగతి అందరికీ తెలిసిందే. అయితే ఈ సినిమా తర్వాత దర్శకుడు సందీప్ రెడ్డి వంగ అలాగే మాటల మాంత్రికుడు త్రివిక్రమ్ శ్రీనివాస్ లతో కూడా సినిమాలు చేయనున్నాడు. అయితే ఈ లైనప్ లో తమిళ దర్శకుడు అట్లీ తో కూడా ఓ భారీ సినిమా చేయనున్నాడు అని టాక్ ఉన్న సంగతి తెలిసిందే. కానీ ఈ సినిమా ఆగిపోయినట్టు బజ్ వచ్చింది.
కానీ ఇప్పుడు మరో క్రేజీ బజ్ వినిపిస్తుంది. దీని ప్రకారం కోలీవుడ్ మరో టాప్ దర్శకుడు నెల్సన్ దిలీప్ కుమార్ తో అయితే బన్నీ సినిమా చేయనున్నాడు అంటూ కొన్ని రూమర్స్ ఇప్పుడు వినిపిస్తున్నాయి. మరి ఇందులో ఎంతవరకు నిజం ఉంది అనేది వేచి చూడాలి. నెల్సన్ గత ఏడాది “జైలర్” అనే మాసివ్ హిట్ ని అందించిన సంగతి అందరికీ తెలిసిందే. దీనితో వీరి కాంబినేషన్ పై కూడా భారీ అంచనాలు ఏర్పడ్డాయి.
