పాన్ ఇండియా స్టార్ ప్రభాస్ హీరోగా యంగ్ అండ్ టాలెంటెడ్ దర్శకుడు నాగ్ అశ్విన్ కాంబినేషన్ లో వచ్చిన లేటెస్ట్ భారీ చిత్రమే “కల్కి 2898 ఎడి”. మరి ఈ చిత్రానికి కూడా పార్ట్ 2 ఉంటుందా లేదా అనే దానికి మాత్రం సమాధానంగా ఏకంగా కల్కి సినిమాటిక్ యూనివర్స్ ని తాను అనౌన్స్ చేసాడు. అయితే ఈ సినిమాటిక్ యూనివర్స్ లో రానున్న సినిమాల్లో మరిన్ని క్రేజీ విషయాలని అయితే నాగ్ అశ్విన్ దాచి ఉంచినట్టుగా ఇప్పుడు రివీల్ అయ్యింది.
ఈ సినిమాకి ప్రొడక్షన్ డిజైనర్ గా చేసిన నితిన్ జిహాని చేసిన కామెంట్స్ ఇప్పుడు ఓ రేంజ్ లో వైరల్ గా మారాయి. తాను మాట్లాడుతు కల్కి సినిమాలో కాశీలో ఒక కాంప్లెక్స్ ఉన్నట్టుగా ప్రపంచ వ్యాప్తంగా మొత్తం 7 కాంప్లెక్స్ లు ఉంటాయి అని రివీల్ చేసాడు. అలాగే కమల్ చేసిన యాస్కిన్ రోల్ కూడా కలి కాదని కలికి ప్రతిబింబం లాంటి వాడు నిజానికి కలి అనే అతనికి ఒక రూపం లేదని మరిన్ని ఇంట్రెస్టింగ్ డీటెయిల్స్ అందించాడు. దీనితో తన కామెంట్స్ సోషల్ మీడియాలో ఓ రేంజ్ లో వైరల్ గా మారుతున్నాయి.