సూపర్ స్టార్ రజినీకాంత్ హీరోగా నెల్సన్ దిలీప్ కుమార్ దర్శకత్వంలో తెరకెక్కిన మాస్ యాక్షన్ ఎమోషనల్ ఎంటర్టైనర్ ‘జైలర్’ అద్భుత విజయాన్ని సాధించింది. ఇదిలా ఉంటే ఈ క్రైమ్‌ థ్రిల్లర్‌కు కొనసాగింపుగా ‘జైలర్ 2’ రాబోతున్న సంగతి తెలిసిందే. కాగా ఈ సినిమా కొత్త షెడ్యూల్ షూటింగ్ నేడు చెన్నైలో ప్రారంభం కాబోతుంది. ఈ షెడ్యూల్ రెండు వారాల పాటు కొనసాగనుంది. ఈ షెడ్యూల్ తర్వాత ఏప్రిల్‌ లో రెండో షెడ్యూల్ మొదలుకాబోతుంది.
కాగా ‘జైలర్ 2’లో కూడా తమన్నా, యోగిబాబు, వినాయకన్, రమ్యకృష్ణ తదితరులు కీలక పాత్రల్లో నటించబోతున్నారు. సన్ పిక్చర్స్ బ్యానర్ పై కళానిధి మారన్ ఈ జైలర్ 2 ను కూడా గ్రాండ్ గా నిర్మించబోతున్నారు. ‘టైగర్‌ కా హుకూమ్‌’ అంటూ ‘జైలర్’లో హంగామా చేసిన రజనీకాంత్‌, ‘జైలర్ 2’లో ఎలాంటి హంగామా చేస్తారో చూడాలి. ఇక ప్రస్తుతం రజనీకాంత్‌ ‘కూలీ’ సినిమాతో కూడా బిజీగా ఉన్నారు.
