ప్రస్తుతం టాలీవుడ్‌లో తెరకెక్కుతున్న క్రేజీ చిత్రాల్లో ‘పుష్ప-2’ కూడా ఒకటి. ఈ సినిమా కోసం అభిమానులు ఎంతో ఆసక్తిగా ఎదురుచూస్తున్నారు. ‘పుష్ప’ చిత్రానికి సీక్వెల్‌గా వస్తున్న ఈ ప్రెస్టీజియస్ మూవీతో అల్లు అర్జున్ బాక్సాఫీస్ భరతం పట్టడం ఖాయమని అభిమానులు ధీమా వ్యక్తం చేస్తున్నారు. ఇక ఈ సినిమాను క్రియేటివ్ జీనియస్ సుకుమార్ తనదైన శైలిలో తెరకెక్కించి మరోసారి మాస్ ఊచకోతతో ప్రేక్షకులను స్టన్ చేసేందుకు సిద్ధమవుతున్నవాడు.
అయితే, నెట్టింట ప్రస్తుతం ‘పుష్ప-2’కి సంబంధించి ఓ వార్త జోరుగా చక్కర్లు కొడుతోంది. సుకుమార్, బన్నీ ‘పుష్ప-2’తో ఈ క్రేజీ ప్రాజెక్ట్‌కు ఫుల్‌స్టాప్ పెట్టాలని చూడటం లేదట. దీనికి కొనసాగింపును కూడా వారు ప్లాన్ చేస్తున్నట్లుగా వార్తలు వినిపిస్తున్నాయి. ఇందులో భాగంగా ‘పుష్ప-2’కి కొనసాగింపుగా పుష్ప-3 ఉంటుందనే వార్త ప్రస్తుతం సినీ సర్కిల్స్‌లో జోరుగా వినిపిస్తోంది.
దీంతో ఇప్పుడు అభిమానులు కూడా ‘పుష్ప-3’పై చర్చిస్తున్నారు. మరి నిజంగానే సుకుమార్ అండ్ టీమ్ ‘పుష్ప-2’కి కొనసాగింపుగా ‘పుష్ప-3’ని ప్లాన్ చేస్తున్నారా అనేది అధికారిక ప్రకటన వచ్చే వరకు వేచి చూడాల్సిందే.