నటసింహం నందమూరి బాలకృష్ణ అటు సినిమాలు, ఇటు రాజకీయాలతో పాటు మధ్యలో అన్ స్టాపబుల్ వంటి క్రేజీ షోతో ఆడియన్స్ ఫ్యాన్స్ లో మరింత క్రేజ్ తో దూసుకెళ్తున్నారు. ఇక ఇటీవల ఆడియన్స్ ముందుకి వచ్చిన ఆహా వారి అన్ స్టాపబుల్ రెండు సీజన్స్ అందరినీ ఆకట్టుకుని మంచి రెస్పాన్స్ సొంతం చేసుకున్నాయి.
అయితే లేటెస్ట్ టాలీవుడ్ బజ్ ప్రకారం నేడు అన్ స్టాపబుల్ సీజన్ 3 కి బాలకృష్ణ అఫీషయల్ గా సైన్ చేసారని అంటున్నారు. అలానే అతి త్వరలో ఫస్ట్ ఎపిసోడ్ ని ఒక ప్రముఖ టాలీవుడ్ సెలబ్రిటీ తో గ్రాండ్ గా షూట్ చేయనున్నారని టాక్. ఇక ఆ ఫస్ట్ ఎపిసోడ్ ని రానున్న దసరా పండుగ కానుకగా టెలికాస్ట్ చేసేందుకు ఆహా యాజమాన్యం వేగంగా ఏర్పాట్లు చేస్తోందట. అతి త్వరలో దీనికి సంబంధించి వారి నుండి అధికారికంగా ప్రకటన కూడా రానున్నట్లు తెలుస్తోంది.
