మ్యాన్ ఆఫ్ మాసెస్ ఎన్టీఆర్ హీరోగా జాన్వీ కపూర్ హీరోయిన్ గా దర్శకుడు కొరటాల శివ తెరకెక్కించిన భారీ పాన్ ఇండియా చిత్రం “దేవర” కోసం అందరికీ తెలిసిందే. మరి మిక్స్డ్ టాక్ తో కూడా ఈ చిత్రం 500 కోట్లకు పైగా రాబట్టి ఎన్టీఆర్ స్టార్ పవర్ ని అయితే చూపించింది. ఇక ఈ భారీ సినిమా ఇటీవల ఓటీటీలో కూడా స్ట్రీమింగ్ కి వచ్చిన సంగతి తెలిసిందే.
దిగ్గజ స్ట్రీమింగ్ సంస్థ నెట్ ఫ్లిక్స్ అందుబాటులోకి తీసుకొచ్చిన సంగతి తెలిసిందే. అయితే అప్పుడే హిందీలో అతి త్వరలో తీసుకొస్తామని చెప్పారు కానీ ఇప్పుడు క్రేజీ ట్విస్ట్ ఏమిటంటే అది కాకుండా పలు విదేశీ భాషల్లో స్ట్రీమింగ్ కి వచ్చేసింది.
మరి ఇపుడు దేవర ఇంగ్లీష్, కొరియన్, బ్రెజిలియన్ అలాగే స్పానిష్ భాషల్లో రావడం విశేషం. మరి వీటిలో దేవరకి ఎలాంటి రెస్పాన్స్ వస్తుందో చూడాలి. ఇక ఈ చిత్రానికి అనిరుద్ సంగీతం అందించగా ఎన్టీఆర్ ఆర్ట్స్, యువసుధ ఆర్ట్స్ వారు నిర్మాణం వహించిన సంగతి తెలిసిందే.