‘ఐకాన్ స్టార్ అల్లు అర్జున్, స్టార్ డైరెక్టర్ అట్లీ’ సినిమా ఎప్పుడు స్టార్ట్ అవుతుంది ?, ఎప్పుడు రిలీజ్ కాబోతుంది ? అంటూ ఫ్యాన్స్ ఆసక్తిగా ఎదురుచూస్తున్నారు. ఈ నేపథ్యంలో ఇప్పుడు ఈ సినిమా గురించి మరో క్రేజీ అప్ డేట్ వచ్చింది. బన్నీ – అట్లీ ప్రాజెక్టులోకి ఇప్పుడు ఓ బడా సంస్థ ఎంటర్ కాబోతోంది. అన్నీ అనుకున్నట్టు జరిగితే జీ స్టుడియోస్ కంపెనీ, ఈ ప్రాజెక్టును నిర్మిస్తుందని తెలుస్తోంది. ఈ సినిమా గురించి ఇంకా అధికారిక ప్రకటన ఇవ్వకపోయినా, ఈ సినిమాకి సంబంధించి లీకుల రూపంలో చాలా రూమర్స్ వినిపిస్తూనే ఉన్నాయి.
ఈ సినిమా ఉందనే విషయాన్ని నిర్మాత రవిశంకర్ పరోక్షంగా వెల్లడిస్తూ.. త్వరలోనే అట్లీతో బన్నీ సినిమా చేస్తారని, ఆ తర్వాత త్రివిక్రమ్ మూవీ ఉంటుందని.. ఆ 2 సినిమాలు పూర్తయిన తర్వాత పుష్ప-3 వస్తుందని రవిశంకర్ చెప్పుకొచ్చారు. అన్నట్టు ఈ సినిమాలో అల్లు అర్జున్ లుక్ ఊహించని విధంగా ఉండబోతుందట. ప్రస్తుతం బన్నీ ఆ లుక్ కోసం కసరత్తులు చేస్తున్నారట. మొత్తానికి ఈ సినిమా పై భారీ అంచనాలు ఉన్నాయి.
