‘అఖండ 2’ పై భారీ అంచనాలు నెలకొన్నాయి. ఐతే, ఈ సీక్వెల్ ను త్వరలో స్టార్ట్ చేస్తాం అని బోయపాటి ఇప్పటికే క్లారిటీ ఇచ్చాడు. ఈ నేపథ్యంలో ఈ సినిమా షూటింగ్ ఎప్పుడు అంటూ బాలయ్య ఫ్యాన్స్ పోస్ట్ లు పెడుతున్నారు. ప్రస్తుతానికి ఈ సినిమా స్క్రిప్ట్ లో మార్పులు చేర్పులు చేస్తున్నారు. ఐతే, ఇప్పుడు ఈ సినిమా పై మరో క్రేజీ గాసిప్ వినిపిస్తోంది. బోయపాటి రాసిన ఈ సినిమా కథను పూర్తి చేశాడని, ప్రస్తుతం డైలాగ్స్ పూర్తి చేసే పనిలో ఉన్నట్లు తెలుస్తోంది.
స్క్రిప్ట్ చాలా బాగా వస్తోందని.. ఈ కథలో సోషియో ఫాంట‌సీ ఎలిమెంట్స్ కూడా ఉంటాయని తెలుస్తోంది. ఈ ఏడాది అక్టోబర్ తర్వాత ఈ సినిమాని స్టార్ట్ చేయాలని మేకర్స్ ప్లాన్ చేస్తున్నారట. మరి ఈ వార్తల్లో ఎంతవరకు వాస్తవం ఉందో చూడాలి. ఇక కథ ప్రకారం.. సినిమా పూర్తిగా శైవత్వం పై సాగుతుందని.. హిందుత్వానికి ప్రతిరూపం దక్షిణ భారత దేశం అనే కోణంలో సీన్స్ ఉంటాయని తెలుస్తోంది.
అలాగే..హిందూ దేవాలయాలకు సంబదించిన లింక్స్ తో పాటు దక్షిణ భారత దేశం గొప్పతనాన్ని కూడా ఈ సినిమాలో బాగా ఎలివేట్ చేస్తున్నారని తెలుస్తోంది. ‘అఖండ 2’ లో బాలీవుడ్ స్టార్ సంజయ్ దత్ కూడా ఓ కీలక పాత్రలో నటించబోతునట్లు తెలుస్తోంది. ఈ సినిమా పై బాలయ్య అభిమానులు భారీగా అంచనాలు పెట్టుకున్నారు.
