ఎప్పుడెప్పుడా అని ఎదురుచూస్తున్న మ్యాన్ ఆఫ్ మాసెస్ జూ.ఎన్టీఆర్ లేటెస్ట్ మూవీ ‘దేవర’ నుంచి దావూదీ సాంగ్ ఎట్టకేలకు రిలీజ్ అయ్యింది. దర్శకుడు కొరటాల శివ తెరకెక్కిస్తున్న ఈ యాక్షన్ ఎంటర్‌టైనర్ మూవీలో ‘దావూదీ’ సాంగ్‌తో ఎన్టీఆర్ డ్యాన్స్ విశ్వరూపం చూపించబోతున్నాడని చిత్ర యూనిట్ గతకొద్ది రోజులుగా హైప్ క్రియేట్ చేస్తూ వచ్చింది. తాజాగా ఈ పాటకు సంబంధించిన వీడియో సాంగ్‌ను మేకర్స్ రిలీజ్ చేశారు.
రామజోగయ్య శాస్త్రి రచించిన ఈ డ్యుయెట్ సాంగ్‌లో తారక్ తన డైనమిక్ లుక్స్‌తో ఫ్యాన్స్‌ని ఆకట్టుకున్నాడు. ఇక అందాల భామ జాన్వీ కపూర్ కూడా ఈ పాటలో అదరహో అనపించేలా ఉంది. అనిరుధ్ రవిచందర్ కంపోజ్ చేసిన మాస్ బీట్స్.. దానికి తగ్గట్టుగా ఎన్టీఆర్, జాన్వీ కలిసి చేసిన డ్యాన్స్‌తో ఈ పాట రాకింగ్‌గా అనిపిస్తుంది. విజువల్‌గా ఈ పాట అదిరిపోయిందని అభిమానులు చెబుతున్నారు.
మొత్తంగా ‘దావూదీ’ సాంగ్‌తో తారక్ ఈ సినిమాపై అంచనాలను మరింత పీక్స్‌కి తీసుకెళ్లాడని నెట్టింట కామెంట్స్ చేస్తున్నారు. ఈ సినిమాను ఎన్టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా ప్రొడ్యూస్ చేస్తున్నాయి. సెప్టెంబర్ 27న వరల్డ్‌వైడ్‌గా ‘దేవర’ చిత్రం గ్రాండ్ రిలీజ్‌కి రెడీ అవుతోంది.
వీడియో కోసం ఇక్కడ క్లిక్ చేయండి