సినిమా లీక్స్ పై “దసరా” దర్శకుడు షాకింగ్ పోస్ట్ వైరల్

మన టాలీవుడ్ లో ఉన్నటువంటి యువ టాలెంటెడ్ దర్శకుల్లో నాచురల్ స్టార్ నానితో సాలిడ్ డెబ్యూ ఇచ్చిన యువ దర్శకుడు శ్రీకాంత్ ఓదెల కూడా ఒకరు. మరి నాని పరిచయం చేసిన ఎంతోమంది యువ దర్శకుల్లో శ్రీకాంత్ కూడా సత్తా చాటగా ఇపుడు నానితో దసరా లాంటి బిగ్గెస్ట్ సక్సెస్ కొట్టిన తర్వాత ఇపుడు చేస్తున్న భారీ సినిమానే “ది పారడైస్”. ఇది కంప్లీట్ యాక్షన్ ఫీస్ట్ గా ప్లాన్ చేస్తుండగా ఈ సినిమా సహా టాలీవుడ్ లో ఈ మధ్య కాలంలో పలు భారీ సినిమాల లీక్స్ తరచుగా బయటకి వస్తున్నాయి.

అయితే ఈ లీక్స్ పైనే శ్రీకాంత్ పెట్టిన అగ్రెసివ్ పోస్ట్ వైరల్ గా మారింది. నా సినిమాకే కాదు వేరే ఏ సినిమాకి కూడా అసిస్టెంట్ దర్శకుల్లో లేదా రచయితలని లీక్స్ విషయంలో బ్లేమ్ చేయడం సరికాదు అని వారు ఇండస్ట్రీలో ఎంతో భవిష్యత్తు ఆశించి వస్తారు అలాంటి వారు ఇలాంటివి చేయరు అని గట్టిగా చెబుతున్నాడు అలాగే నా సినిమా టైటిల్ ని కూడా లీక్ చేసిన బాస్టర్డ్ ఎవరో నాకు తెలుసు ఖచ్చితంగా వారు నా టీం కి అయితే చెందిన వారు కాదు అంటూ నొక్కి చెప్పాడు. దీనితో తన పోస్ట్ వైరల్ గా మారింది.