న్యాచురల్ స్టార్ నాని ప్రస్తుతం తన కొత్త చిత్రం ‘సరిపోదా శనివారం’ను రిలీజ్‌కి రెడీ చేశాడు. ఈ సినిమాను పూర్తి మాస్ యాక్షన్ ఎంటర్‌టైనర్‌గా దర్శకుడు వివేక్ ఆత్రేయ తెరకెక్కించాడు. ఇక ఈ సినిమాలో అందాల భామ ప్రియాంక మోహన్ హీరోయిన్‌గా నటించింది. ఈ సినిమా కోసం నాని అభిమానులు ఆసక్తిగా ఎదురుచూస్తున్న వేళ, ఆయన నటించిన ‘దసరా’ ఇప్పుడు మరోసారి వార్తల్లో నిలిచింది.
ఇటీవల ‘దసరా’ చిత్రం ఫిలింఫేర్ అవార్డుల్లో సత్తా చాటిన సంగతి తెలిసిందే. దర్శకుడు శ్రీకాంత్ ఓదెల తెరకెక్కించిన ఈ రా అండ్ రస్టిక్ మూవీలో నాని పర్ఫార్మెన్స్ ప్రేక్షకులను మెప్పించింది. ఇక తాజాగా ఈ సినిమా IIFA అవార్డుల బరిలో ఏకంగా 10 విభాగాల్లో నామినేట్ అయ్యి సరికొత్త రికార్డును క్రియేట్ చేసింది. దీనికి సంబంధించిన వివరాలను చిత్ర మేకర్స్ అఫీషియల్‌గా ప్రకటించారు.
బెస్ట్ యాక్టర్, బెస్ట్ డైరెక్టర్, బెస్ట్ మ్యూజిక్ డైరెక్టర్‌తో పాటు పలు విభాగాల్లో ఈ సినిమా నామినేట్ అయ్యింది. దీంతో నాని అభిమానులు IIFAలోనూ దసరా అవార్డుల పంట పండిస్తుందని ఆశిస్తున్నారు.