మన తెలుగు ప్రముఖ స్ట్రీమింగ్ యాప్ ఆహా కోసం అందరికీ తెలిసిందే. మరి ఇందులో తెలుగులోనే ఒరిజినల్ కంటెంట్ ని అందిస్తూ వస్తున్నారు. అయితే అందులో చాలానే టాక్ షోలు వచ్చాయి కానీ ఈ షోస్ లో లయన్ బాలయ్యతో స్టార్ట్ చేసిన క్రేజీ టాక్ షో “అన్ స్టాప్పబుల్” కూడా ఒకటి. మరి సినీ ప్రముఖులతో మంచి ఎంటర్టైనింగ్ గా సాగే ఈ షో మొత్తం మూడు సీజన్లని పూర్తి చేసుకొని ఇపుడు నాలుగో సీజన్లోకి ఎంటర్ అయ్యింది.
అయితే రీసెంట్ గానే వచ్చిన ప్రోమో కూడా అదిరిపోగా ఇప్పుడు మొదటి ఎపిసోడ్ పై అఫీషియల్ క్లారిటీ వచ్చేసింది. ఈ సీజన్లో మొదటి ఎపిసోడ్ ని కూడా ముఖ్యమంత్రి చంద్రబాబు నాయుడు పైనే ప్లాన్ చేయగా ఇప్పుడు కొన్ని షూటింగ్ తాలూకా పిక్స్ కూడా వైరల్ గా మారాయి.
మరి నేడు షూటింగ్ జరుపుకుంటున్న ఈ ఎపిసోడ్ ఎప్పుడు ప్రసారం అవుతుంది అనేది కూడా కన్ఫర్మ్ అయ్యిపోయింది. దీనితో ఈ ఎపిసోడ్ అయితే ఈ అక్టోబర్ 25న రాత్రి 8 గంటల 30 నిమిషాలకి స్ట్రీమింగ్ కానుందట. మరి ఈ ఎపిసోడ్ పొలిటికల్ సహా మంచి ఎంటర్టైనింగ్ గా ఉండబోతుంది అని తెలుస్తుంది.
