శ్రీసింహ, సత్య ప్రధాన పాత్రల్లో తెరకెక్కుతున్న క్రేజీ సీక్వెల్ మూవీ ‘మత్తు వదలరా-2’ వరుస అప్డేట్స్‌తో ప్రేక్షకులను ఆకట్టుకుంటోంది. ఈ సినిమాకు సంబంధించి తాజాగా మేకర్స్ మరో అప్డేట్ ఇచ్చారు. ఈ చిత్రానికి సంబంధించిన టీజర్ రిలీజ్ డేట్ అండ్ టైమ్‌ని ఫిక్స్ చేశారు.

క్రైమ్ కామెడీ థ్రిల్లర్‌గా తెరకెక్కుతున్న ‘మత్తు వదలరా-2’ మూవీ టీజర్‌ని ఆగస్టు 30న ఉదయం 11.07 గంటలకి రిలీజ్ చేస్తున్నట్లు చిత్ర యూనిట్ తెలిపింది. ఈమేరకు ఓ కొత్త పోస్టర్‌తో ఈ విషయాన్ని రివీల్ చేశారు. ఈ సినిమాను ప్రేక్షకులు ఔట్ అండ్ ఔట్‌గా ఎంజాయ్ చేస్తారని మేకర్స్ ధీమా వ్యక్తం చేస్తున్నారు.

ఈ సినిమాలో అందాల భామ ఫరియా అబ్దుల్లా హీరోయిన్‌గా నటిస్తుండగా రితేష్ రానా ఈ చిత్రాన్ని డైరెక్ట్ చేస్తున్నారు. కాల భైరవ సంగీతం అందిస్తున్న ఈ సినిమాను సెప్టెంబర్ 13న రిలీజ్ చేసేందుకు మేకర్స్ రెడీ అవుతున్నారు.