ఐకాన్ స్టార్ అల్లు అర్జున్ నటిస్తున్న ప్రెస్టీజియస్ మూవీ ‘పుష్ప-2’ కోసం ప్రేక్షకులు ఎంత ఆసక్తిగా ఎదురుచూస్తున్నారో ప్రత్యేకంగా చెప్పక్కర్లేదు. ఈ సినిమా నుండి ఎలాంటి అప్డేట్ వచ్చినా ప్రేక్షకులు, అభిమానులు అందరూ ఫాలో అవుతున్నారు. ఇక ఈ సినిమాను డిసెంబర్ 5న గ్రాండ్‌గా రిలీజ్ చేసేందుకు మేకర్స్ రెడీ అవుతుండగా.. ఈ చిత్ర ప్రమోషన్స్‌ను స్టార్ట్ చేసేందుకు సిద్ధమయ్యారు. ఇందులో భాగంగా ఈ చిత్ర ట్రైలర్ డేట్ అండ్ టైమ్‌ను ‘పుష్ప-2’ మేకర్స్ తాజాగా వెల్లడించారు.

ఇండియన్ బిగ్గెస్ట్ మూవీగా తెరకెక్కిన ‘పుష్ప-2’ ట్రైలర్‌ను నవంబర్ 17న సాయంత్రం 6:03 గంటలకు రిలీజ్ చేస్తున్నట్లు ఓ సాలిడ్ పోస్టర్ ద్వారా అనౌన్స్ చేశారు. ఈ పోస్టర్‌లో అల్లు అర్జున్ తనదైన స్వాగ్‌తో భుజంపై తుపాకీ పెట్టుకుని నడుచుకుంటూ వస్తున్నాడు. ఇక ఈ అనౌన్స్‌మెంట్‌తో సోషల్ మీడియాలో ‘పుష్ప-2’ రచ్చ చేస్తున్నాడు. ఈ ట్రైలర్‌ను సుకుమార్ అండ్ టీమ్ ఎలా కట్ చేశారా.. అనే ఆసక్తి అభిమానుల్లో నెలకొంది.

ఈ సినిమాలో అందాల భామ రష్మిక మందన్న హీరోయిన్‌గా నటిస్తుండగా.. ఫహద్ ఫాజిల్, సునీల్, అనసూయ భరద్వా్జ్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాకు దేవిశ్రీ ప్రసాద్ సంగీతం అందిస్తుండగా మైత్రీ మూవీ మేకర్స్ అత్యంత భారీ బడ్జెట్‌తో ప్రొడ్యూస్ చేస్తున్నారు.