మెగా ప్రిన్స్ వరుణ్ తేజ్ నటిస్తున్న లేటెస్ట్ పీరియాడిక్ థ్రిల్లర్ మూవీ ‘మట్కా’ నవంబర్ 14న గ్రాండ్ రిలీజ్‌కి రెడీ అయ్యింది. ఈ సినిమాను దర్శకుడు కరుణ కుమార్ డైరెక్ట్ చేస్తున్నాడు. ఇప్పటికే ఈ సినిమా నుండి రిలీజ్ అయిన పోస్టర్స్, టీజర్, ట్రైలర్, సాంగ్స్ ఈ సినిమాపై మంచి బజ్‌ని క్రియేట్ చేశాయి. ప్రస్తుతం ప్రమోషన్స్‌తో బిజీగా ఉన్న ‘మట్కా’ చిత్రానికి సంబంధించిన ప్రీ-రిలీజ్ ఈవెంట్‌కు ముహూర్తం ఫిక్స్ చేశారు మేకర్స్.
ఈ సినిమా ప్రీ-రిలీజ్ ఈవెంట్‌ని వైజాగ్‌లోని నోవోటెల్ ఎదురుగా ఉన్న గోకుల్ పార్క్‌లో గ్రాండ్‌గా నిర్వహించేందుకు సిద్ధమయ్యారు. ఈ ఈవెంట్ నవంబర్ 10న సాయంత్రం 5.30 గంటలకు ప్రారంభం కానున్నట్లు మేకర్స్ తాజాగా ఓ పోస్టర్ ద్వారా వెల్లడించారు. ఇక ఈ ఈవెంట్‌కి ఎవరు గెస్ట్‌గా వస్తున్నారనే విషయాన్ని మాత్రం వారు రివీల్ చేయలేదు.
‘మట్కా’ సినిమాలో వరుణ్ తేజ్ పలు వైవిధ్యమైన లుక్స్‌తో కనిపించి ఆడియెన్స్‌ని థ్రిల్ చేయనున్నాడు. అందాల భామలు మీనాక్షి చౌదరి, నోరా ఫతేహి ఈ సినిమాలో కీలక పాత్రల్లో నటిస్తున్నారు. జి.వి.ప్రకాశ్ కుమార్ సంగీతం అందిస్తున్న ఈ సినిమాను వైరా ఎంటర్‌టైన్‌మెంట్, ఎస్ఆర్‌టి ఎంటర్‌టైన్‌మెంట్స్ బ్యానర్లు సంయుక్తంగా ప్రొడ్యూస్ చేస్తున్నాయి.
