BSS12 మూవీపై సాలిడ్ అప్డేట్ ఇచ్చిన బెల్లంకొండ శ్రీనివాస్

యంగ్ హీరో బెల్లంకొండ సాయి శ్రీనివాస్ నటిస్తున్న లేటెస్ట్ మూవీ ‘BSS12’ అనే వర్కింగ్ టైటిల్‌తో తెరకెక్కుతోంది. ఈ సినిమాను దర్శకుడు లుధీర్ బైరెడ్డి డైరెక్ట్ చేస్తున్నాడు. పూర్తి అడ్వెంచర్ మూవీగా ఈ చిత్రాన్ని అత్యంత ప్రతిష్టాత్మకంగా తెరకెక్కిస్తున్నారు. ఇక ఈ సినిమా షూటింగ్ ఇప్పటికే శరవేగంగా పూర్తి చేసుకుంటున్న సంగతి తెలిసిందే.

అయితే, ఈ సినిమా నుంచి మేకర్స్ తాజాగా సాలిడ్ అప్డేట్ అయితే ఇచ్చారు. BSS12 మూవీకి సంబంధించిన టైటిల్, గ్లింప్స్‌ను జనవరి 8న సాయంత్రం 4.05 గంటలకు రిలీజ్ చేయబోతున్నట్లు చిత్ర యూనిట్ తెలిపింది. మునుపెన్నడూ చూడని అడ్వెంచరస్ సీక్వెన్స్‌లతో ఈ మూవీ ప్రేక్షకులను థ్రిల్ చేయడం ఖాయమని మేకర్స్ కాన్ఫిడెంట్‌గా చెబుతున్నారు.

ఇక ఈ సినిమాలో అందాల భామ సంయుక్త మీనన్ హీరోయిన్‌గా నటిస్తుండగా ఈ చిత్రానికి లియోన్ జేమ్స్ సంగీతం అందిస్తున్నారు. ఈ సినిమాను మూన్‌షైన్ పిక్చర్స్ బ్యానర్‌పై మహేష్ చందు ప్రొడ్యూస్ చేస్తున్నారు.