దర్శకుడు శ్రీను వైట్ల దర్శకత్వంలో యాక్షన్ హీరో గోపీచంద్ హీరోగా వస్తున్న కొత్త చిత్రం ‘విశ్వం’. ఈ సినిమాలో కావ్య థాపర్ హీరోయిన్ గా నటిస్తోంది. ఐతే, తాజాగా విశ్వం టీజర్‌కి డేట్ లాక్ అయింది. రేపు సాయంత్రం 4 గంటల 5 నిమిషాలకు ఈ విశ్వం సినిమా టీజర్ ను విడుదల చేయనున్నట్లు మేకర్స్ అధికారికంగా ప్రకటించారు. టీజర్ రిలీజ్ పోస్టర్ సినిమా పై ఆసక్తిని కలిగిస్తుంది. ఈ పోస్టర్ ను చూస్తుంటే ఇదొక యాక్షన్-ప్యాక్డ్ మూవీ అని అర్థమవుతుంది.
మరి ఈ టీజర్ లో విడుదల తేదీని కూడా మేకర్స్ వెల్లడిస్తారేమో చూడాలి. ఇప్ప‌టికే ప్రేక్ష‌కుల్లో ‘విశ్వం’ సినిమాకి మంచి బ‌జ్ ను క్రియేట్ చేసింది. చేత‌న్ భ‌రద్వాజ్ ఈ సినిమాకు సంగీతాన్ని అందిస్తున్నారు. ఈ చిత్రాన్ని పీపుల్ మీడియా ఫ్యాక్ట‌రీ బ్యాన‌ర్ పై టిజి.విశ్వ‌ప్ర‌సాద్ ప్రొడ్యూస్ చేస్తున్నారు. హిట్ కోసం చాలా కాలంగా ఎదురు చూస్తున్న దర్శకుడు శ్రీను వైట్ల, ఈ సినిమాతో సాలిడ్ కమ్ బ్యాక్ ఇవ్వాలని ఆశిస్తున్నాడు. మరి ఈ సినిమా ఏ రేంజ్ సక్సెస్ ను సాధిస్తోందో చూడాలి.
