ప్ర‌ముఖ హాలీవుడ్ సంస్థ మార్వెల్ స్టూడియోస్ నుంచి వ‌చ్చిన లేటెస్ట్ సూప‌ర్ హీరో మూవీ డెడ్ పుల్ అండ్ వాల్వ‌రిన్ ఇటీవ‌ల భారీ అంచ‌నాల మ‌ధ్య రిలీజ్ అయ్యింది. మార్వెల్ సినిమాలంటే వ‌ర‌ల్డ్ వైడ్ గా ఎంత‌టి క్రేజ్ ఉంటుందో అంద‌రికీ తెలిసిందే. ఇక ఈ సినిమాలో ఇద్ద‌రు సూప‌ర్ హీరోలు న‌టిస్తుండ‌టంతో ఈ సినిమాను చూసేందుకు ప్రేక్ష‌కులు థియేట‌ర్ల‌కు క్యూ క‌ట్టారు.

ప్ర‌పంచ‌వ్యాప్తంగా ఈ సినిమాను చూసేందుకు ఆడియెన్స్ ఆసక్తిని చూపుతున్నారు. దీంతో ఈ సినిమా బాక్సాఫీస్ ద‌గ్గ‌ర వ‌సూళ్ల వ‌ర్షం కురిపిస్తోంది. ఈ సినిమా ఫ‌స్ట్ వీకెండ్ లో వ‌రల్డ్ వైడ్ గా ఏకంగా రూ.3650 కోట్ల మేర వ‌సూళ్లు రాబ‌ట్టిన‌ట్లుగా చిత్ర యూనిట్ పేర్కొంది. కేవ‌లం మూడు రోజుల్లో ఇంత భారీ మొత్తంలో వ‌సూళ్లు రాబ‌ట్ట‌డంతో ఈ మూవీ ప‌లు సంచ‌నాల‌ను క్రియేట్ చేసింది.

ఇక ఇండియాలోనూ ఈ సినిమాకు సూప‌ర్ క్రేజ్ నెల‌కొంది. ముఖ్యంగా తెలుగు డ‌బ్బింగ్ వెర్ష‌న్ లో ఈ సినిమాను చూసేందుకు ఆడియెన్స్ ఎంతో ఆసక్తిగా ఉన్నారు. తెలుగునాట ఈ సినిమాకు వ‌స్తున్న రెస్పాన్స్ తో మేక‌ర్స్, డిస్ట్రిబ్యూట‌ర్స్ సంతోషం వ్య‌క్తం చేస్తున్నారు. రాబోయే రోజుల్లో ఈ సినిమా మ‌రిన్ని కొత్త రికార్డులు క్రియేట్ చేయ‌డం ఖాయ‌మని సినీ ఎక్స్ పర్ట్స్ చెబుతున్నారు.