ప్రస్తుతం ప్రపంచ వ్యాప్తంగా ఉన్నటువంటి మూవీ లవర్స్ ఆసక్తిగా ఎదురు చూస్తున్న భారీ హాలీవుడ్ చిత్రం ఏదన్నా ఉంది అంటే అది సూపర్ హీరో సంస్థ మార్వెల్ స్టూడియోస్ నుంచి వస్తున్న చిత్రం “డెడ్ పూల్ & వోల్వరైన్” కోసమే అని చెప్పాలి. మరి ఈ చిత్రం రేపు జూలై 26 ప్రపంచ వ్యాప్తంగా పాన్ వరల్డ్ భాషల్లో రిలీజ్ కి వస్తుండగా ఈ ముందే ఈ చిత్రం హీరోలు రేయాన్ రెనాల్డ్స్ (Ryan Reynolds) అలాగే హ్యూ జాక్ మాన్ (Hugh Jackman) లు గిన్నిస్ రికార్డు అందుకున్నారు. అయితే ఈ గిన్నిస్ రికార్డు ఎందుకు వచ్చిందో కూడా గిన్నిస్ వరల్డ్ రికార్డు వారు తెలిపారు.
గత ఫిబ్రవరిలో ఈ సినిమా తాలూకా ఫస్ట్ ట్రైలర్ ని ఆన్ లైన్ లో వదలగా దానికి ఒక్క రోజులో ఫిబ్రవరి 11 నుంచి 12 కి ఏకంగా 365 మిలియన్ రికార్డు వ్యూస్ నమోదు అయ్యాయి. దీనితో ప్రపంచ సినిమా దగ్గర ఒక్క రోజులో అత్యధిక వ్యూస్ రాబట్టిన సినిమా ట్రైలర్ గా ఇది నిలిచింది. దీనితో ఆ రికార్డు నిమిత్తం గిన్నిస్ వరల్డ్ రికార్డుని సినిమా రిలీజ్ కి ముందు ఇరు హీరోలకి అందించారు. దీనితో మరోసారి ఈ సినిమా వార్తల్లోకి ఎక్కింది. ఇక ఈ చిత్రాన్ని షాన్ లేవి దర్శకత్వం వహించగా ఈ చిత్రం ఇండియాలో తెలుగు, తమిళ్, హిందీ సహా ఇంగ్లీష్ భాషల్లో రిలీజ్ కాబోతుంది.
