రేస్2విన్ ఫౌండేషన్ ఆధ్వర్యంలో తొలిసారిగా డెమోక్రటిక్ సంఘ చేంజ్ మేకర్ అవార్డులను అందించింది. హైదరాబాద్‌లోని తాజ్ ఫలక్‌నుమా ప్యాలెస్‌లో ఈ కార్యక్రమం జరిగింది. దేశవ్యాప్తంగా సమాజంలో మార్పు కోసం పాటుపడిన వ్యక్తులు, సంస్థలను గుర్తించి వారికి ఈ అవార్డులను అందజేసింది. చేంజ్ మేకర్ అవార్డులను ప్రజాస్వామ్య సూత్రాలు, సామాజిక న్యాయం మరియు మానవ హక్కుల పురోగతి విషయంలో గణనీయమైన కృషి చేసిన గొప్ప వారిని ఏటా డెమోక్రటిక్ సంఘ సత్కరిస్తుంది.
ఈ కార్యక్రమంలో ముఖ్యఅతిథిగా పార్లమెంటు సభ్యురాలు జి.రేణుకాచౌదరి హాజరయ్యారు. గౌరవ అతిథి మిస్ యూనివర్స్-1994 సుస్మితా సేన్, హైదరాబాద్‌లోని అమెరికా కాన్సులేట్ జనరల్ జెన్నీఫర్ లార్సన్ కూడా ఇందులో పాల్గొన్నారు. సమకాలీన భారతదేశంలో సంఘ సంస్కరణ మరియు యువత సాధికారత యొక్క ప్రాముఖ్యతపై తన అంతర్దృష్టిని నటి, సామాజిక కార్యకర్త భూమి ఫడ్నేకర్ ఈ సందర్భంగా కీలక ప్రసంగం చేశారు. బాలల హక్కులు, బానిస కార్మికులు, మహిళల హక్కులు మరియు ప్రధాన స్రవంతి సమాజంలో అట్టడుగు వర్గాలను ఏకం చేయడం వంటి అంశాలపై కృషి చేసిన ప్రముఖ సంఘ సంస్కర్త, సామాజికి కార్యకర్త స్వామి అగ్నివేష్‌కు నివాళులర్పిస్తూ ఈ అవార్డుల ప్రదానోత్సవానికి ఆయన పేరు పెట్టారు. బంధువా ముక్తి మోర్చా వ్యవస్థాపకుడు మరియు చైర్మన్‌ స్వామి అగ్నివేష్, 1.72 లక్షల మంది కార్మికులను బానిస కార్మికులకు విముక్తి చేశారు. మత సహనం మరియు సయోధ్యను పెంపొందించడానికి ఆయన అవిశ్రాంతంగా పనిచేశారు. అతను 2004లో ప్రత్యామ్నాయ నోబెల్ బహుమతిగా పిలువబడే రైట్ లైవ్లీహుడ్ అవార్డును కూడా అందుకోవడం గమనార్హం.
స్వామి అగ్నివేష్ అడుగు జాడల్లో నడుస్తూ సామాజిక న్యాయం, సమానత్వం మరియు మానవ హక్కుల కోసం పాటుపడే వ్యక్తులు, సంస్థలను డెమోక్రటిక్ సంఘ గుర్తిస్తుంది. అలాంటి వారికి చేంజ్ మేకర్ అవార్డులను అందజేస్తుంది. కాగా, ప్రజాస్వామ్యాన్ని బలోపేతం చేయడం, పాలనలో మహిళల భాగస్వామ్యాన్ని పెంపొందించడం, యువ నాయకత్వాన్ని ప్రోత్సహించడం, పేదరికం, అట్టడుగున ఉన్న పలు సమస్యలను పరిష్కరించడం వంటి పలు అంశాలపై అర్థవంతమైన చర్చ జరిగింది.
ఇక డెమోక్రటిక్ సంఘ గురించిన విషయాలకు వస్తే.. ఇది స్వామి అగ్నివేష్ విద్యార్థి చైతన్య MRSK స్థాపించబడిన లాభాపేక్ష లేని, నిరపేక్ష సామాజిక సంస్కరణ సంస్థ. మానవ హక్కులు, చట్ట పాలన, మహిళా నాయకత్వం, పౌర విద్య మరియు ఎన్నికల సంస్కరణలు సహా ప్రజాస్వామ్యం యొక్క ప్రధాన సూత్రాలను ప్రోత్సహించడానికి ఈ సంస్థ అంకిత భావంతో పనిచేస్తోంది. నటి రెజెనా కసాండ్రా సహవ్యవస్థాపకురాలిగా ఉన్న.. ఈ డెమోక్రాటిక్ సంఘ మహిళా నాయకత్వం, యువత నాయకత్వం, ఎన్నికలు మరియు ఓటింగ్ హక్కులు మరియు సామాజిక సంస్కరణలపై దృష్టి సారించిన కార్యక్రమాల ద్వారా సామాజిక నిబంధనలను సవాలు చేయడానికి మరియు అట్టడుగున ఉన్న, గొంతులేని, పేదల జీవితాలను మార్చడానికి కీలకంగా పనిచేస్తుంది. ఈ సంస్థ స్వామి అగ్నివేశ్‌ వారసత్వంపై నిర్మాణాన్ని కొనసాగిస్తుంది.
