ద‌ర్శ‌క‌ధీరుడు ఎస్ఎస్.రాజ‌మౌళి తెర‌కెక్కించిన ‘మ‌గ‌ధీర’ సినిమా అంద‌రికీ గుర్తుండే ఉంటుంది. ఆ సినిమాలో విల‌న్ పాత్ర‌లో న‌టించిన దేవ్ గిల్, త‌న‌దైన ప‌ర్ఫార్మెన్స్ తో మంచి గుర్తింపును తెచ్చుకున్నాడు. ఇక ఆ త‌రువాత ప‌లు సినిమాల్లో న‌టిస్తూ త‌న‌కంటూ ప్ర‌త్యేక ఇమేజ్ ను సొంతం చేసుకున్నాడు. కాగా, దేవ్ గిల్ హీరోగా ‘అహో విక్ర‌మార్క’ అనే సినిమాలో న‌టిస్తున్నాడు. ఇప్ప‌టికే షూటింగ్ ప‌నులు ముగించుకున్న ఈ సినిమా నుంచి టీజ‌ర్ ను రిలీజ్ చేశారు మేక‌ర్స్.

‘అహో విక్ర‌మార్క’ టీజ‌ర్ ఔట్ అండ్ ఔట్ యాక్ష‌న్ ప్యాక్డ్ గా క‌ట్ చేశారు. ప‌వ‌ర్ఫుల్ పోలీస్ ఆఫీస‌ర్ పాత్ర‌లో దేవ్ గిల్ ఔట్ స్టాండింగ్ గా క‌నిపిస్తున్నాడు. ఆయ‌న చేసే యాక్ష‌న్ సీన్స్, మూవీ ల‌వ‌ర్స్ ను ఆక‌ట్టుకునేలా ఉన్నాయి. ఇక ఈ సినిమాలో ప‌వ‌ర్ఫుల్ డైలాగులు కూడా ఉండ‌నున్న‌ట్లు ఈ టీజ‌ర్ చూస్తే తెలుస్తోంది. భారీ బ‌డ్జెట్ తో తెర‌కెక్కిన ఈ సినిమాను పాన్ ఇండియా మూవీగా రిలీజ్ చేసేందుకు మేక‌ర్స్ సిద్ధ‌మ‌య్యారు.

ఈ చిత్రంలో ప్ర‌వీణ్ ట‌ర్డే, తేజ‌స్విని పండిత్, చిత్ర శుక్లా, పోసాని కృష్ణ ముర‌ళి, బిత్తిరి స‌త్తి త‌దిత‌రులు ఇత‌ర ముఖ్య పాత్ర‌ల్లో న‌టిస్తున్నారు. పేట త్రికోటి డైరెక్ట్ చేసిన ఈ యాక్ష‌న్ ఎంట‌ర్టైన‌ర్ చిత్రాన్ని ఆర్తి దేవింద‌ర్ గిల్, మీహిర్ కుల్క‌ర్ణి, అశ్విని కుమార్ మిశ్రా సంయుక్తంగా ప్రొడ్యూస్ చేస్తున్నారు. ఈ సినిమాకు ఆర్కో ప్రావో ముఖ‌ర్జీ సంగీతం అందిస్తుండ‌గా, ‘కేజీఎఫ్’ ఫేం ర‌వి బ‌స్రూర్ బ్యాక్ గ్రౌండ్ స్కోర్ అందిస్తున్నారు.

వీడియో కోసం ఇక్కడ క్లిక్ చేయండి