మ్యాన్ ఆఫ్ మాసెస్ ఎన్టీఆర్ హీరోగా బాలీవుడ్ యంగ్ హీరోయిన్ జాన్వీ కపూర్ హీరోయిన్ గా దర్శకుడు కొరటాల శివ తెరకెక్కిస్తున్న భారీ పాన్ ఇండియా చిత్రం “దేవర” కోసం అందరికీ తెలిసిందే. మరి చిత్రంపై భారీ అంచంచాలు మరింత స్థాయిలో వెళ్తుండగా తెలుగు రాష్ట్రాల్లో బిజినెస్ కూడా గట్టిగానే జరుగుతుంది.
అయితే ఈ సినిమాకి సెన్సేషనల్ మ్యూజిక్ దర్శకుడు అనిరుద్ సాలిడ్ మ్యూజిక్ బీట్స్ ని అందిస్తున్న సంగతి తెలిసిందే. కానీ ఈ మ్యూజిక్ విషయంలో మొదటి నుంచి తన విషయంలో కొన్ని కామెంట్స్ కూడా ఉన్నాయి. తన వర్క్ ఈ సినిమాకి ఆలస్యంగా ఇస్తున్నాడని కొన్ని రూమర్స్ ఉన్నాయి. అయితే ఈ రూమర్స్ మరోసారి వినిపిస్తున్నాయి.
చార్ట్ బస్టర్ ఫస్ట్ సింగిల్ తర్వాత మరిన్ని అంచనాలు పెట్టుకొని అంతా ఆసక్తిగా రెండో సాంగ్ కోసం ఎదురు చూస్తున్నారు. అయితే ఈ సాంగ్ ఇపుడు అనిరుద్ కారణంగా ఆలస్యం అవుతుంది అంటూ కొన్ని వార్తలు వినిపిస్తున్నాయి. ప్రస్తుతం అనిరుద్ తెలుగు సహా తమిళ్ లో అనేక చిత్రాలు చేస్తుండగా ఆలస్యానికి ఇది కూడా ఒక కారణం కావచ్చని చెప్పాలి. మరి ఈ సాంగ్ పై ఏమన్నా క్లారిటీ వస్తుందో చూడాలి.
