ఇటీవల మన టాలీవుడ్ సినిమా అందుకున్న మాసివ్ హిట్స్ లో మ్యాన్ ఆఫ్ మాసెస్ ఎన్టీఆర్ హీరోగా నటించిన భారీ పాన్ ఇండియా సినిమా “దేవర” కూడా ఒకటి. మరి ఎన్నో అంచనాలు నడుమ వచ్చిన ఈ సినిమా తారక్ కెరీర్ లో ఒక బ్లాస్టింగ్ హిట్ అయ్యింది.
ఇక ఈ సినిమా ఓటీటీ రిలీజ్ కోసం అభిమానులు ఆసక్తిగా ఎదురు చూస్తూ రాగా ఫైనల్ గా దిగ్గజ స్ట్రీమింగ్ సంస్థ నెట్ ఫ్లిక్స్ డేట్ ని అయితే ఫైనల్ గా ఇచ్చేసింది. ఇక ఈ సినిమాని ఈ నవంబర్ 8 నుంచే సౌత్ భాషల్లో స్ట్రీమింగ్ కి తీసుకొస్తున్నట్టు కన్ఫర్మ్ చేసేసారు. మరి థియేట్రికల్ వెర్షన్ కి ఓటీటీ వెర్షన్ కి కొన్ని నిమిషాలు తేడా ఉండడం గమనార్హం.
థియేటర్స్ లో 2 గంటల 55 నిమిషాల ప్రింట్ తో వస్తే ఓటీటీకి మాత్రం 2 గంటల 51 నిమిషాలతో మాత్రమే వస్తుంది. దీనితో ఈ చిన్న మార్పుతో రాబోతుంది అని చెప్పాలి. మరి దేవర లో ఏమన్నా సీన్స్ కట్ చేసేసారా లాంటిది ఈ 8వరకు ఆగితే తెలుస్తోంది. ఇక ఈ చిత్రానికి అనిరుద్ సంగీతం అందించగా ఎన్టీఆర్ ఆర్ట్స్ యువసుధ ఆర్ట్స్ వారు ఈ సినిమా నిర్మాణం వహించారు.