మ్యాన్ ఆఫ్ మాసెస్ జూ.ఎన్టీఆర్ మోస్ట్ అవైటెడ్ మూవీ ‘దేవర’ వచ్చే వారం వరల్డ్‌వైడ్‌గా థియేటర్లలో గ్రాండ్ రిలీజ్‌కి రెడీ అయ్యింది. ఈ సినిమాతో తారక్ బాక్సాఫీస్‌ను షేక్ చేయడం ఖాయమని అభిమానులు ధీమాగా ఉన్నారు. ఇక ఈ సినిమా కంటెంట్‌పై చిత్ర యూనిట్ కూడా పూర్తి కాన్ఫిడెన్స్‌గా ఉన్నారు. ఈ సినిమా రిలీజ్‌కి ముందే పలు రికార్డులు క్రియేట్ చేస్తూ దూకుడు ప్రదర్శిస్తోంది.

ఈ సినిమాపై ఓవర్సీస్ బాక్సాఫీస్ దగ్గర సాలిడ్ క్రేజ్ నెలకొనడంతో ప్రీసేల్స్ టికెట్లు హాట్ కేకుల్లా అమ్ముడవుతున్నాయి. అమెరికాతో పాటు ఆస్ట్రేలియాలోనూ ఈ సినిమా దూకుడు కనిపిస్తుంది. ఆస్ట్రేలియాలో ఈ సినిమా ఏకంగా 150K ఆస్ట్రేలియన్ డాలర్లకు పైగా కేవలం ప్రీసేల్స్ రూపంలోనే కలెక్ట్ చేసింది.

రాబోయే రోజుల్లో ఈ సినిమా ఇంకా ఎలాంటి వండర్స్ క్రియేట్ చేస్తుందా అని అందరూ ఆసక్తిగా చూస్తున్నారు. ఇక ఈ సినిమా అమెరికాలో ఇప్పటికే 1.5 మిలియన్ డాలర్లు కలెక్ట్ చేయడం విశేషం. జాన్వీ కపూర్, సైఫ్ అలీ ఖాన్ ఇతర ముఖ్య పాత్రల్లో నటిస్తున్న ‘దేవర’ సినిమాకు అనిరుధ్ సంగీతం అందిస్తుండగా కొరటాల శివ డైరెక్ట్ చేస్తున్నారు.